في منشور مؤثر، هنأ ياسين الأشروبي، نجل الفنانة والإعلامية راندا البحيري، جده من والدته بمناسبة عيد ميلاده، معبرًا عن امتنانه لدوره الكبير في حياته، مشيرًا إلى أنه كان بمثابة أب له.
ممكن يعجبك: إنهاء تصوير فيلم “روكي الغلابة” استعدادًا لعرضه في موسم الصيف
وكتب نجل راندا البحيري في منشوره: “جدو حبييي، كل سنة وأنت طيب يا بشمهندس يا كبير، ياللي كبرت لقيت نفسي في حضنك وافتكرتك أبويا، طول الوقت كنت بتلعب دور الأب معايا، ومحرمتنيش من أي نصيحة ووقفت جنبي طول الوقت”
وأضاف نجل راندا البحيري: “عرفتني حاجات كتير، وأول كمبيوتر أنت اللي اشتريتهولي وعرفتني إزاي أركبه قطعة قطعة، ولما كنت بجنن أمي علشان مش عايز آكل كانت بتتصل بيك علشان تيجي تأكلني، وكنت فعلاً بتيجي من بيتك علشان تأكلني وتنزل علشان ماما عارفة أني هسمع كلامك”
مقال له علاقة: الفيلم الفلسطيني “كان ياما كان” يفوز بجائزة أفضل ممثل في مهرجان كان
واختتم نجل راندا البحيري منشوره كاتبًا: “كل سنة وأنت طيب يا جدو يا حبييي، وربنا يخليك لينا ويخليك لماما ولكل اللي بيحبوك”
راندا البحيري تهنئ والدها بمناسبة عيد ميلاده
كما هنأت راندا البحيري والدها بعيد ميلاده حيث نشرت صورة تجمعهما سويًا عبر حسابها بموقع انستجرام: “بابا كل سنة وأنت طيب يا حبيب قلبي، ربنا يباركلك ويحفظك ويسعدك ويخليك لينا أنا وأحمد وروض وحبيبة وحفيدك ياسين القمر Yaseen elashrouby، ياسين بيقولك كل سنة وأنت طيب يا جدو”
وأضافت: “ربنا يمد في عمرك ويعطيك من فضله، واللي ميعرفش بابا فاته كتير بصراحة، بابا من أكتر الشخصيات اللي ممكن تفيدك، مستشار شاطر جداً، مهندس معماري مفيش زيه، هو اللي بني مسرح الهرم للأستاذ فاروق صبري رحمه الله ((فرقة الفنانين المتحدين)) ومسرح وسينما كوزموس بعماد الدين ومباني تانية كتير جدًا مهمة في القاهرة كلها إدارية وتجارية ((مش عمارات))”
وأكملت: “اشتغل في الهندسة سنين وكان في نفس الوقت تاجر سيارات مهم جداً، وكل سوق السيارات يعرفوه وأصدقائه، دخل عربيات بعينها مصر مكانتش موجودة عندنا وأخذ توكيلات كتيرة في التسعينات، ابن بار لأمه الله يرحمها ويجمعنا بيها في الجنة يا رب، اللي هي جدتي طبعًا روض حسن، بحبك يا بابا”