رد مطرب المهرجانات على أزمته وزوجته مع البلوجر أروى قاسم، والتي أثارت جدلًا كبيرًا مؤخرًا، حيث قام بالرد على الانتقادات التي وُجهت لهما بسبب ظهورهما سويًا في حفل زفافه، كما دافع عن زوجته بعد اتهامها بتعاطي المخدرات.
شوف كمان: دينا داش تجري عملية جراحية بعد إنجاب طفلها الثاني
كنت بحترم أروى وبعتبرها أختي الصغيرة
قال مسلم في فيديو عبر حسابه على انستجرام: “يارا عارفة أنا طيب إزاي وغصب عني لما يكون حواليا ناس مش بعرف أظبط كلامي أو اتعامل، أنا كنت بحترم أروى وبعتبرها أختي الصغيرة، واستقبلتها أحلى استقبال ومن كتر اللمة اللي حواليا بوست إيدها شياكة مني علشان أقدر أهرب منها، ومش هاجي يوم فرحي أعاكس واحدة أو اقرب لواحدة لأن دي مش تصرفات واحد عاقل”
ممكن يعجبك: إيرادات الأمس: “المشروع X” يتصدر و”الصفا ثانوية” في ذيل القائمة
أنا بتعامل بنيتي الصافية وطلبت منها تحذف الفيديو
أضاف مسلم: “أنا بتعامل بنيتي الصافية، واتفاجئت باللي يارا عملته وبسببها أنا ويارا شدينا مشادة جامدة وعرفنا نلم الدنيا لأن ربنا مدينا العقل في علاقتنا، وأنتي يا أروى لو بتحبيني وتحترميني عمرك ما هتنزلي حاجة زي كده رغم أني قلت لها احذفي، ولما بعت ليها اعتذر كان فيه كلام قبلها ولأني كنت بحاول ألم الدنيا لكنها اختارت كلام معين تنزله”
مراتي أنضف بني آدمة في العالم
تابع: “مراتي أنضف بني آدمة في العالم وبعدتني عن حاجات غلط ونضفت حاجات كتير ومكانش حد بيقولي الصح من الغلط، هي مش بتاخد حاجة ولا اتجوزت، دي أول فرحة ليها ولما تطلعي كلام على حد بلاش تخوضي في أعراض، أنتي كده غلطي نفسك ده لو كان ليكي حق، ومكانش نفسي نتحط في الحتة دي، ومكنتش متخيل كل ده يحصل، وأنا بقالي أربع أيام مش بنام علشان الدنيا تتم و70 ألف رقم بيكلمني، لو عريس عادي بيتوتر، وأنا حوالين مني صحافة وناس غصب عني هرتبك”
أنا إنسان كويس ومفيش أطيب مني
اختتم مسلم حديثه قائلًا: “مش عاوز الموضوع ياخد حجم كبير وإحنا عملنا فرحنا وحضر كل الناس اللي بحبهم وده يكفينا، مراتي دي أغلى حاجة عندي ومش ممكن أفضل حد تاني عليها، وأنا إنسان كويس ومفيش أطيب مني ولا في جدعتني، وصاصا كان شاتمني واتأسفت له في فرحي علشان أنا جوايا نضيف، ومفيش حد كان زعلان مني وما صالحتوش، بلاش تظلموا حد، لأن الناس بقيت وحشة”