وجه مؤدي المهرجانات مسلم رسالة جديدة لمتابعيه على مواقع التواصل الاجتماعي، حيث علق على الانتقادات التي طالت إطلالته في حفل زفافه، وأيضًا على الأحاديث المتعلقة بالأزمة التي حدثت بين زوجته يارا و”البلوجر” أروى قاسم.
اقرأ كمان: مسلم يرد على شقيقته بعد اتهامها له ولزوجته بعدم اختيار الأهل بشكل صحيح
مسلم.
مسلم يرد على منتقديه
نشر مسلم عبر خاصية ستوري على حسابه في “انستجرام” فيديو جديد، حيث قال: “سؤال صغير لكل الناس اللي واخدين فرح مسلم محتواهم، مش كفاية ولا إيه الدنيا، مزهقتش ده أنا صاحب الفرح وزهقت، كل خمس دقايق ألاقي فيديوهات، خليكي في حالك مش عايزين رأيك ومش فارقلي ومش هقعد أفكر فيه وأزعل خالص، بس بجد كفاية”.
من نفس التصنيف: الفيلم الفلسطيني “كان ياما كان” يفوز بجائزة أفضل ممثل في مهرجان كان
وتابع مسلم: “طول عمري تريند ومش محتاج، بتطلع تشتم فيا وتغلط عشان الناس تقول إنت جامد، كفاية بقى، وتلاقي أقل واحد فيهم حياته فيها بلاوي ويطلع يعدل على الآخرين، اللي هما مش مستنيين رأيك ولا أنا محتاج أسمع أصلا، كان نفسي الفرح يعدي على خير زي أي حد عايز يعيش مستور مع مراته، أنتم مش عاجبكم إني كنت متجوز وبطلق دي حاجة بتاعة ربنا، الإنسانة اللي ارتبط بيها قبل كده سيبنا بعد بكل احترام، وبسأل على ابني باحترام، وأبويا علمني مفيش حاجة اسمها تمشي مع بنت فيه خطوبة أو جواز، والحمد لله يكفيني إني مش بزعل ربنا مني”.
تعليق مسلم على الأزمة
وأضاف: “مراتي أنضف بني آدمة في العالم وبعدتني عن حاجات غلط، ونضفت حاجات كتير ومكانش حد بيقولي الصح من الغلط، هي مش بتاخد حاجة ولا اتجوزت دي أول فرحة ليها، ولما تطلعي كلام على حد بلاش تخوضي في أعراض، أنتي كده غلطي نفسك ده لو كان ليكي حق، ومكانش نفسي نتحط في الحتة دي، ومكنتش متخيل كل ده يحصل، وأنا بقالي أربع أيام مش بنام علشان الدنيا تتم و70 ألف رقم بيكلمني، لو عريس عادي بيتوتر، وأنا حوالين مني صحافة وناس غصب عني هرتبك، مش عاوز الموضوع ياخد حجم كبير، وإحنا عملنا فرحنا وحضر كل الناس اللي بحبهم وده يكفينا، مراتي دي أغلى حاجة عندي ومش ممكن أفضل حد تاني عليها، وأنا إنسان كويس ومفيش أطيب مني ولا في جدعتني، وصاصا كان شاتمني واتأسفت له في فرحي علشان أنا جوايا نضيف، ومافيش حد كان زعلان مني وما صالحتوش، بلاش تظلموا حد، لأن الناس بقيت وحشة”.
تأتي هذه التطورات وسط تفاعل واسع من الجمهور ورواد مواقع التواصل، الذين تداولوا الحادثة وأبدوا آرائهم المختلفة حول الأزمة العائلية التي جمعت بين هذه الشخصيات الفنية.