تحدث عبدالواحد السيد، مدير الكرة السابق بنادي الزمالك، عن كيفية تعامل النادي مع أحمد سيد زيزو، قبل أن يرفض تجديد عقده ويقترب من الانضمام للنادي الأهلي.
شوف كمان: مكافآت كبيرة للاعبي بيراميدز بعد التعادل القاتل في بريتوريا لتحقيق البطولة
وقال عبدالواحد السيد في تصريحات عبر قناة “إم بي سي مصر 1”: “جمهور الزمالك زعل من قصة زيزو، لأن اللاعب كان دائمًا يوصل إحساسه بأنه شاري النادي، وإنه مش رايح في حتة، ولآخر لحظة كان بيقول كده وهو مخلص كل حاجة من برا”
ممكن يعجبك: جلسة حوارية للشباب والرياضة ضمن فعاليات منحة ناصر للقيادة الدولية
وأضاف: “أكثر واحد كان بياخد فلوسه بانتظام هو زيزو في الزمالك، كان بياخد فلوسه من برا النادي عن طريق الأستاذ ممدوح عباس، وكان متكفل بمستحقاته أول بأول”
وأكمل: “أغلب اللاعبين كانوا بيسألوا اشمعنى.. أو واحنا يا كابتن.. كنت بقوله هات حد بيحبك من برا يدفعلك”
وأوضح: “زيزو ملوش مستحقات، واللي بيقوله 70 مليون ده مش صحيح، اللي بيقوله ده تنفيط العقد، يعني عايز ياخد عقده مرتين، مش طبيعي يعني”
وتابع: “زيزو يعتبر شبه اللاعب الوحيد اللي كان بياخد كل قرش من الفلوس اللي مكتوبة في عقده، بل بالعكس كمان كان بياخد ترضيات من برا”
واختتم تصريحاته: “كمستحقات وترضيات، مفيش لاعب في تاريخ الزمالك خد زي زيزو، ومفيش حد ضحى، ده كلام ضحك”
ما زال مسلسل أزمات أحمد سيد زيزو، لاعب الفريق الأول لنادي الزمالك، عرض مستمر، بعد اقترابه من الرحيل عن القلعة البيضاء.
وينتهي عقد زيزو مع الزمالك بنهاية الموسم الحالي، وقد رفض كل محاولات التجديد مع الأبيض، مفضلًا الانتقال للغريم التقليدي النادي الأهلي في صفقة انتقال حر.
ويتبقى لزيزو ثلاث مباريات حتى يستطيع الرحيل بشكل رسمي، مباراتين في بطولة الدوري المصري، ومباراة في نهائي كأس مصر أمام بيراميدز.
ولم يحسم الجهاز الفني للفريق الأول لنادي الزمالك، بقيادة أيمن الرمادي، مشاركة زيزو في المباراة النهائية أمام بيراميدز، المقرر لها يوم 5 يونيو المقبل على استاد القاهرة الدولي.
حدد النادي الأهلي موعد إعلان ضم جناح الفريق الأول لكرة القدم بنادي الزمالك، والذي أنهى المارد الأحمر كافة تفاصيل الاتفاق للتعاقد معه.