رد مطرب المهرجانات حمو بيكا على الانتقادات والتنمر الذي يتعرض له عند نشر أي صورة أو فيديو عبر حساباته على مواقع التواصل الاجتماعي، حيث أبدى استياءه في فيديو مباشر عبر صفحته الرسمية على فيسبوك، واصفًا بعض التعليقات السلبية بـ “المرضى النفسيين”.
مواضيع مشابهة: محمد رمضان يوجه رسالة لطالب بعد فوزه بـ 50 ألف جنيه: “ياريت تذاكر”
حمو بيكا يتعجب من التنمر
في بداية الفيديو، قال حمو بيكا: “طالع أوضح كلمتين لكل إخواتي اللي بيعرفوا يقرأوا ويكتبوا… وممكن تكون عندكم وجهة نظر مختلفة… وقبل ما أقول أي حاجة، أنا بحبكم في الله… بس حابب أعرف ليه كلما أنزل صورة أو فيديو في ناس بتشتمني؟ ليه بتشتمني؟ أنا زعلتك في حاجة ولا ضايقتك؟”
وأضاف بيكا مستنكرًا: “لو أنا مش عاجبك، ماتدخلش عندي… وأول ما تشوف صورة أو فيديو ليا، جريه… يعني أنت النهارده بتدخل تشتم وتقل أدبك… هل أنت شخص كويس أو نضيف؟ أنا مش فاهمها دي؟”
وأشار إلى أن كثيرًا من هؤلاء المتابعين يكتبون تعليقات غير لائقة، لكن عند لقائهم شخصيًا، يهرعون لالتقاط الصور معه وطلب الفيديوهات، مما اعتبره نوعًا من “قلة الأدب” والحقد.
ممكن يعجبك: أسما شريف منير تتحدث عن النضج وتقبل التغيير والتوكل كأشياء غيرت حياتها
ردًا على التنمر
وتابع: “بلاقي حاجات غريبة وناس بتدخل تقول كلام هي مش فاهماه… ولكن لما تشوفني في حتة، تجري تتصور معايا وتعمل معايا فيديو… ودي قلة أدب وحقد بطريقة مش كويسة… وإزاي واحد أهله علموه وربوه، يقعد يشتم في الناس… يا عم مش عاجباك شخصيتي، ماتدخلش عندي أصلاً”.
دعم حسن شاكوش
كما أكد حمو بيكا دعمه الكامل لصديقه وزميله مطرب المهرجانات حسن شاكوش، الذي تعرض أيضًا للانتقادات مؤخرًا عبر السوشيال ميديا، حيث قال بيكا: “حسن شاكوش ده أخ ليا مش صاحب، وبنجتمع علشان نعمل أغاني بس… حسن كان تعبان الفترة اللي فاتت وغنى ووقع منه المقام… يا باشا، ده اللي بيمشي عربية بتعطل منه، وده بني آدم وله صوت وبيتعرض للإرهاق… وتعرض لقلة الأدب… ومش ده اللي عمل أغنية عود البطل وكسر الدنيا، وده من أحلى الأصوات… وده شخص تعبان، والنهارده أنزل صور لينا يتشتم ليه؟ انتو مرضى ولا تعبانين؟”