تحدث المطرب الشاب فتحي مصطفى كامل، نجل الفنان ونقيب المهن الموسيقية، عن بداية مشواره الفني في عالم الغناء، حيث انطلق بأغنية “يلا ندلع”، ثم اتجه مؤخرًا لتقديم بودكاست “روقان”.
مواضيع مشابهة: ياسمين عبدالعزيز تتصدر تريند السوشيال ميديا بعد تصريحها “احلويت علشان سنجل”
قال فتحي مصطفى كامل في لقائه مع نيوز رووم، إنه درس الإعلام وتخرج في جامعة MSA، وأشار إلى حبه للغناء منذ طفولته، لكنه قرر أن يطرح أولى أغنياته العام الماضي بعد تخرجه، موضحًا أنه كان يستعد لذلك دون علم والده.
ممكن يعجبك: سيكو سيكو يحقق إيرادات 180 مليون جنيه بعد شهرين من عرضه
بتكسف أغني قدام والدي
وأضاف فتحي مصطفى كامل:”مشكلتي إني بتكسف أغني قدام والدي مصطفى كامل، ممكن أغني قدام أي حد في الدنيا لكن لما أشوفه بحس إني معنديش زور وبحس برهبة، وهو نفسه بيستغرب من كسوفي”
وتابع نجل نقيب الموسيقيين: “السنة اللي فاتت كنت بجهز تراك من وراه، لكن أختي الصغيرة راحت قالت له، ولما خلصت الأغنية وسمعتها له قال لي: مش عاوز بدايتك تكون دراما، وبدأنا نعمل ورشة صغيرة، نقعد كل يوم يكتب ويقول لي وأنا اتكسف أغني قدامه، لحد ما وصلنا للأغنية”
أما عن تجربته في البودكاست، فقال: “كنت عاوز أبدأ من زمان وأنا في الكلية، لكني مكنتش واخد الموضوع بجدية، وكنت فاكر الموضوع سهل، لكن كان له تحضيرات كتير، ومرة قاعد مع صاحبي قلت له وسمع مني، ولما روحت لقيته بيكلمني وجهز كل حاجة، فحسيت إني اتخطفت وبدأ الموضوع يدخل في الجد، عكس أي حد سمع مني، وده كان من أكتر الأسباب اللي شجعتني”
وأكد فتحي مصطفى كامل أنه لا يفعل أي شيء دون الرجوع لوالده، قائلًا:”مش بعمل أي حاجة غير لما ارجع له، وبيختار معايا أغاني الكلمات، وأحيانًا بيعترض اعتراض أب وبيقول لي: أنا عاوزك أحسن واحد في الدنيا، ولو مش هرجع له هو هرجع لمين يعني”