علق الإعلامي باسم يوسف على الانتقادات التي يواجهها وزير الآثار الأسبق وعالم الآثار الكبير زاهي حواس بعد لقائه مع مقدم البرامج الأمريكي جو روجان، مشيراً إلى أن الجدل حول اللقاء يتضمن جوانب متعددة تستحق النقاش.
مقال مقترح: مدبولي يؤكد أن تمكين القطاع الخاص هو الأساس في استراتيجية مصر للتحول الاقتصادي
وكتب باسم يوسف عبر “فيسبوك”: “موضوع زاهي حواس وجو روجان فيه جوانب كتير ممكن تتناقش، لكن علمياً وبصرف النظر عن الكلام اللي ممكن يتقال عن مسيرة زاهي حواس واللي ممكن يكون معظم الكلام ده سلبي، زاهي حواس سواء اختلفنا عليه أو لا لكن علمياً في موضوع التاريخ وخلافه أكيد كان أعلى من جو روجان اللي هو راجل هبيد وبتاع نظريات مؤامرة والذي منه”
الحضارات القديمة
وتابع: “موضوع الإصرار إن الحضارات القديمة اللي هي عالم تالت حالياً زي مصر والمكسيك، حضاراتهم اتعملت بكائنات فضائية لكن ماحدش بيقول كده عن حضارات زي الرومان وغيرها (وده يمكن لعدم وجود تفسير لوجود حاجات كتيرة في الحضارات القديمة دي) بس كل ده مش مهم”
وأضاف: “الغلطة هنا إن مش فارق قوي علمك قد إيه ولا إنك صح أو التاني غلط أو غبي، لكن إدارة الحوار من زاهي حواس مخرجتش كتير عن اللي احنا متعودين عليه: “كلامي هو الصح وانت حتسمعه ولو مش عاجبك” نفس الأسلوب اللي كلنا أتربينا عليه للأسف”
مقال له علاقة: تعاون مشترك بين ألسن بني سويف وكلية اللغات والترجمة بجامعة 6 أكتوبر
ناس كدابة وهبيدة
وأشار: “هنا بقى ما فرقش مين صح ومين غبي ومين عنده علم ومين عنده كفته، جو روجان قال على زاهي حواس إنه أسوأ ضيف جه عنده مش عشان زاهي أغبى ضيف أو أقلهم علماً، بالعكس جو روجان بيستضيف ناس كدابة وهبيدة زيه لكن عشان انت مهما كنت صح فانت خسرت من الأول بصلفك وغرورك وللأسف عليت من حد غبي عشان أسلوب بس هس وهو ده الصح وخلاص”
أول رد من زاهي حواس
علق وزير الآثار الأسبق وعالم الآثار الكبير على انتقاد البعض لظهوره يدخن سيجارًا في لقائه بروجان، قائلاً: “دي طبيعتي”
وأضاف في مداخلة هاتفية ببرنامج «على مسئوليتي» المذاع على قناة «صدى البلد»: “تعليقات بعض المصريين عقب لقائي بجو روجان زعلتني”
وأكد حواس في رسالته للمشاهدين: “أنا لا شايف نفسي ولا حاجة زي الناس ما بتقول”