استضاف برنامج “اسمعني شكراً” مع الإعلامية سيرا إبراهيم الفنان إيساف في حلقة مليئة بالمشاعر والبوح، حيث تحدث إيساف عن محطات إنسانية وفنية مؤثرة في حياته، وتطرق لمشاعره تجاه والده الراحل ودموعه التي لا تجف على فراق شقيقه، كما كشف عن الدعم الكبير الذي قدمته له زوجته خلال مسيرته.
مواضيع مشابهة: أسماء كمال وصابرين النجيلي تتألقان في كلثوميات بمعهد الموسيقى
في بداية اللقاء، استرجع إيساف ذكرياته مع والده الذي علّمه قيم الرجولة والكرامة، وقال: “علّمني الرجولة والكرامة، مكنش بيزعق ولا يضرب، كلمته كانت قانون، كان يربيني بالفعل، مش بالكلام، كنت أتعلم من وقفته ومن طريقته في الصرف على أهل بيته رغم إنه مش غني، مكنش بيطلب مني حاجة، كنت بشوف وبقلد، كان بيحب الصدق ويكره الكذب، وعلمني أكون راجل حتى لو ماعنديش جنيه.”
حال الفن المعاصر
انتقل إيساف للحديث عن حال الفن المعاصر، معبرًا عن بعض الانتقادات التي يحملها تجاه ما تشهده الساحة الفنية اليوم، وفي سياق حديثه عن مستقبله الفني، أعلن عن تحضيراته لمسلسل “غموض”، واصفًا إياه بتجربة مختلفة وشديدة الخصوصية.
إيساف مع سيرا إبراهيم.
لا تجف دموع إيساف عن شقيقه
أما عن شقيقه الراحل، فقال: “ببكي عليه كل يوم، كان مش بس أخويا، ده كان سندي وصديقي وكتفي، فقدانه كسرني ومش قادر أتقبله لحد النهاردة، وكل ما أفتكره بحس إن فيّ حاجة اتكسرت ومش هتتصلح”.
وانتقل للحديث عن زوجته، حيث قال عنها: “هي ضهري الحقيقي، وقفت جنبي في كل لحظة صعبة، فيها حنية واحتواء وصبر مش طبيعي، كل يوم بكتشف فيها حاجة تخليني أحبها أكتر، وجودها غيّر حياتي بجد”.
مواضيع مشابهة: عودة محمد رمضان للدراما وتصدر “المشروعX” شباك التذاكر
إيساف ينتقد الفن الحالي
وانتقد المطرب إيساف حال الفن حاليًا، وأوضح: “الفن بقى تجارة، وفرق كبير بين الشهرة الحقيقية والتريند المؤقت، والمنتجين بقوا بيفكروا في المكسب مش في القيمة، والموسيقى الكلاسيك أو البوب اتظلمت وسط زحمة الأنواع الجديدة، أنا مش ضد التطور، بس ضد التفاهة، مش كل حاجة تنتشر تبقى فن”.
وأشار إيساف إلى إنه لا يحب أن يكرر نفسه، حيث قال: “أنا دايمًا بدور على الجديد، حتى لو هنزل أغنية لازم تبقى مختلفة، مش شبه اللي قبلها، الجمهور بقى ذكي، وبيميز بين الشغل الصادق وبين الشغل اللي معمول علشان الترند، أما عن تقديمه لدويتو، فقال: “أنا ممكن أعمل دويتو بس مش مع أي حد، لازم تبقى الحاجة مختلفة، وفيها إحساس وموسيقى حقيقية، أنا ماعرفش أقدم حاجة والسلام، لازم يبقى فيها روح، وتعيش سنين مش يومين”.
إيساف يكشف تفاصيل مسلسل غموض
وكشف إيساف عن تفاصيل أحدث أعماله الدرامية وهو مسلسل “غموض”، حيث قال: “العمل مختلف تمامًا عن اللي اتعرض عليا قبل كده، فيه قصة مشوقة جداً، وتفاصيل نفسية وإنسانية هتخلي الناس تتابعه من أول مشهد، دوري فيه تحدي حقيقي، وبيجمع بين العمق والغموض في آن واحد، السيناريو معمول بحرفية، وفيه رسالة قوية، وده اللي شدني ليه، بحب النوعية اللي تخلي الناس تفكر وتحس في نفس الوقت”.