شاركت الفنانة صورة لها عبر صفحتها الشخصية على موقع التواصل الاجتماعي “فيس بوك” من أمام شاليه كان يملكه والدها في محافظة الإسكندرية، حيث استحضرت ذكرياتها مع أصدقائها والأجواء الدافئة التي كانت تشعر بها في الماضي.
مقال مقترح: خالد العدل يحتفل بقراءة فاتحة هنا الألفي في أجواء عائلية دافئة
كتبت رانيا فريد شوقي: “ده الشاليه بتاعنا في المعمورة إسكندرية، بس زمان مكنش مقفل بالألوميتال كده، كان بلكونه بستاير
(اللي متعلم عليه في الصورة)، يعني شالية فريد شوقي المعروف في المنطقة، كان إيجار قديم بمساحة تقارب 100 متر، وكان يساع من القرايب والحبايب ألف”
وأضافت رانيا فريد شوقي: “دي أحلى حاجة في المصايف، اللمة مش مهمة هنام فين، الأهم معاك مين، وعلى رأي المثل البيت من غير ناس ما ينداس، كان فيه 3 أوض نوم منهم أوضة صغيرة كانت بتاعت أختي مها قبل ما تتجوز، و2 حمام وصالة وبلكونة ومطبخ له باب على السلم”
وتابعت رانيا فريد شوقي: “السلم ده كانت قعدتنا المفضلة مع أصحابنا من أبناء الجيران، كنا زمان الجيران كلها تعرف بعض مش زي دلوقتي، المهم الصبح كنا ننزل البحر ونرجع نتغدا، وعلى الساعة 8 نتجمع على السلم أو نروح الملاهي كوتا بارك، كنا رباعي عبير وجيلان ورشا وأنا، 4 بنات، جيلان بنت أختي الكبيرة مني ورشا بنت أختي ناهد، كنا توأم ملتصق هههه، دايمًا مع بعض، مش هدوشكم وأرغي أكتر من كده”
واختتمت: “بس لما شوفت الصورة حسيت إني عايزة أحكي أحلى أيام وذكريات في حضن ودفء العيلة، الشالية ده لما بابا أخده كان متجوز طنط هدي سلطان، يعني إخواتي الكبار برضه ليهم ذكريات فيه، بابا ورثنا حب إسكندرية”
رانيا فريد شوقي تدافع عن بوسي شلبي
دافعت الفنانة رانيا فريد شوقي عن الإعلامية، بعد بيان أسرة الفنان الراحل محمود عبد العزيز الذي اتهمت فيه الإعلامية بما وصفته ادعاءات كاذبة بشأن أنها كانت على ذمته قبل الوفاة وأن المأذون قد قام بتزوير إشهاد طلاقها.
كتبت رانيا فريد شوقي عبر صفحتها الرسمية بموقع فيسبوك: “في حاجات صعب تتقال، بس الأصعب إننا نسكت عنها، لما تكون ست محترمة، عاشرت راجل بكل إخلاص لأكتر من 20 سنة، في النور، والناس كلها كانت شاهدة، وفجأة يتقال إنها ما كانتش زوجته؟ ده مش بس ظلم، ده طمس للحق، وتجريح في سيدة كانت زوجة بكل معنى الكلمة، في العِشرة، في الستر، في الوفاء”