أثار الإعلامي عمرو أديب جدلاً واسعاً بتغريدة نشرها عبر حسابه الرسمي على منصة “إكس”، حيث رد من خلالها على المشككين في فوز الزمالك بكأس مصر أمام نادي بيراميدز.
اقرأ كمان: انطلاق المنتدى السياحي الدولي الأول لمسار رحلة العائلة المقدسة من الشرقية
وكتب عمرو أديب: “هو مش عيب لما ناس محترمة متعلمين يلقحوا على ماتش الزمالك، يعني لعيبة بيراميدز كانوا متدربين على تنشين الكرة في العارضة، وأكرامي كان معاه كشف بالزوايا اللي الزمالك حيشوط فيها”
وتابع: “يا أخي احنا متكلمناش عن التلت نقاط ولا عن وقت بدل الضائع، ولا عن الفار اللي بيبوظ ولا عن الكون اللي شغال لننوس عين الرياضة المصرية، قلنا مبروك وكملنا وربنا كرمنا من عنده مش من عند الأسماء اللي انتوا عارفينها، ولا قلنا إن الباشا اللي هرب كان صدفة ولا التأشيرة كانت للدراسة والترفيه”
واختتم: “ولا ذكرتلك إنك واخد الدوري بلاعيبة الزمالك الأصيل، كل ده بنقول حاجة واحدة، حسبنا الله ونعم الوكيل، بجد عيب قوي، هي النخوة والجدعنة راحت فين، الزمالك بطل الكأس غصب عن عين بعض الناس”
الزمالك نادي البطولات لا يُقهر ولا ينهار
يُذكر أن الإعلامي عمرو أديب هنا يشيد بفريقه المفضل “الزمالك” بعد حصده لقب بطل كأس مصر على حساب نادي بيراميدز، مؤكداً أن الظروف التي مر بها النادي مؤخرًا كانت صعبة للغاية
وقال الإعلامي عمرو أديب عبر حسابه على منصة “أكس”: “مش عارف أمسك نفسي، بس يا جماعة الزمالك خارج من المستحيل، خارج من الضياع قدام فريق بطل قوي، ولكن الزمالك لا يموت ولا ينهار، هو في الدم، هو في الجينات، نادي بطولات، وفي مباراة مشكلة متعبة قلب مفتوح يحرز الزمالك الكأس ضد كل المصائب والكوارث والظلم والظلمات”
اقرأ كمان: وحدات السكان تنفذ 1313 نشاطًا لخدمة 209 ألف مواطن في التنمية المحلية
وأشاد عمرو أديب بأداء كابتن فريق الزمالك “شيكابالا”، وقال: “إيه الأعصاب دي يا شيكا، أنا مت وانت داخل هادي واثق عبقري تاريخي أسطوري، مبروك للريادة ومبروك لرجالة الزمالك، والله ما في حد كان يعرف يرجع زيكم علشان نفرح ونصوت والعيد يبقى عيدين، مفيش زي الزمالك، مفيش غير الزمالك، مبحبش غير الزمالك”
هذا وقد حسم الزمالك لقب كأس مصر بالركلات الترجيحية بعد الفوز على بيراميدز 8-7 في مواجهة ماراثونية.
وانتهت مباراة الزمالك وبيراميدز بالتعادل الإيجابي 1-1 بعد اللجوء لشوطين إضافيين، ولجوء الفريقين لركلات الجزاء الترجيحية لحسم بطل كأس مصر.