مقال له علاقة: تاريخ مواجهات الأهلي مع الأندية المكسيكية قبل لقاء باتشوكا
بعد انتقال زيزو من نادي الزمالك إلى النادي الأهلي، وجراء تصريحاته المثيرة في الآونة الأخيرة، رصدت عدسة نيوز روم آراء الشارع حول هذا الانتقال، حيث تباينت الآراء بين مؤيد ومعارض، فبعض الجماهير اعتبرت الصفقة ناجحة وخطوة قوية نحو الاحتراف، بينما رأى آخرون أنها خيانة لنادي الزمالك وجماهيره، وتنوعت التعليقات بين: “دي حاجة كويسة جداً إنه يجي نادي القرن، حاجة ممتازة وزيزو أكيد هيفيد النادي الأهلي في حاجات كتير”
“والله كان نفسي من زمان زيزو يجي الأهلي لأنه ده مكانه، إحنا خدنا منكو إمام عاشور وبن شرقي، هي صفقة حقيقية على نادي الزمالك، ربنا يستر عليهم”.
“دي حرية شخصية إنه يتنقل من فريق لفريق، وأنا بحترم النادي الأهلي، ده نادي كله نشاط وبيحضر لبطولات كتير، وأنا أعترف بيه”.
https://www.facebook.com/share/v/1FT9X1sFq6/?mibextid=qi2Omg
“كان ناس كتير شايفاه ابن النادي، بس أول ما راح نادي الأهلي، الناس شافت إنه غلط، زيزو مكنش حد متوقع إنه يروح الأهلي، لكنه فضل الفلوس على الجمهور وكسر قلوب ناس كتير، أنا شايف إنه مش هينجح في الأهلي أصلاً”.
“هو باع النادي وفكر في الفلوس”.
“إحنا بنحبه، زيزو أفضل لاعب في التاريخ، وهيبقى أفضل لاعب في الأهلي، هيبقى عالمي وهيعمل كل حاجة في كأس العالم”.
“هو أخد قرار مناسب علشان يحقق بطولات كتير، هو مش باع النادي، هو عايز يحقق بطولات، هو لاعب موهوب وجامد جداً، وأخد القرار الصح”.
“أنا شايف إنه أخد القرار الصح، هو بيلعب في نادي كبير دلوقتي، وبيشارك في بطولة مهمة زي كأس العالم للأندية، دي فرصة للاحتراف، زيزو كان النجم لنادي الزمالك لمدة 6 سنين، وزيزو عارف مستقبله فين، أكيد مستقبله مع النادي الأهلي”.
“إحنا فرحانين بزيزو، عمل حاجة جميلة وكويسة إنه جه النادي الأهلي، ودي ضربة قاضية للزملكوية”.
بين مشاعر الرضا والغضب، تعتبر صفقة انتقال “زيزو” من أكثر الانتقالات إثارة في تاريخ الكرة المصرية، حيث أثارت جدلاً واسعًا بين الجماهير، سواء من مشجعي الزمالك الذين اعتبروها “خيانة”، أو مشجعي الأهلي الذين يرون أن الصفقة تعتبر إضافة قوية للنادي، ويبقى السؤال: هل سينجح زيزو في إثبات نفسه مع الأهلي أم ستظل إنجازاته مع الزمالك هي الأبرز في مسيرته؟
وكانت أول تصريحات زيزو بعد انتقاله رسميًا إلى النادي الأهلي، عبر أحمد مصطفى سيد، حيث عبر عن موقفه من خطوة الرحيل عن القلعة البيضاء، مؤكدًا أنه لم يكن يومًا يسعى للرحيل عن نادي الزمالك في وقت سابق، وأن قرار رحيله جاء بعد دراسة وتفكير عميقين، خاصة في ظل تغير الظروف داخل ميت عقبة.
وجاءت تصريحات أحمد سيد زيزو في برنامج قهوة فايق كالتالي:
مواضيع مشابهة: اجتماع أبو ريدة ودياب لمراجعة إيجابيات وسلبيات الموسم الكروي
** ما حدث لي في الزمالك كان مخططًا له منذ عدة أشهر.
** في جلسة مع مجلس إدارة الزمالك قيل لي: اخرج وقل إنك أنت من ترغب في الرحيل
** في شهر أغسطس 2024 جالي عرض رسمي من نادي نيوم السعودي بـ 6.5 مليون دولار، وقتها مجلس إدارة الزمالك وافق وجمعتني جلسة معهم، واللي وقف الموضوع وقتها إنهم قالولي اطلع قول للناس إنك عايز تمشي عشان خايفين من الجمهور، لأن كل قراراتهم مبنية على السوشيال ميديا، قلتلهم مش هطلع أقول حاجة، ده عرض عندك، عايز توافق وافق، مش عايز متوافقش براحتك.
** مشاكلي مع الزمالك بدأت في آخر عام ونصف، ورفضت استغلال الشرط الجزائي في عقدي.
** اتحجز لي تذكرة كشف طبي في الإمارات لعرض من نادي نيوم، وأنا مكنتش عارف أي حاجة عن الموضوع واتفاجئت بيه، ومش عارف هل النادي وافق عليه ولا لأ.
** روحت النادي أنا ووالدي، وخدت ميعاد مع كابتن حسين لبيب، وفجأة قال إنه تعبان ومش هييجي النادي، وبعتلنا حسام المندوه بداله.
** كلمته وقولت له: “جالي تذكرة حجز للكشف الطبي في الإمارات لعرض من نادي نيوم”، رد قالي: “إيه دا؟ عرض إيه اللي بتتكلم عليه؟”، قلتله: “أومال التذكرة دي وصلتلي إزاي؟!”
** أبويا اتشتم 8 أشهر ورفضت أرد على الإساءة، وراهنت على جمهور الزمالك إنه ميصدقش اللي بيتقال عليه، ولكن كله بيكدب الكدبة ويصدقها.
** أنا نفس الشخص اللي كان عقده فيه شرط جزائي، ومع ذلك رفضت أمشي، ولو كانت نيّتي في يوم من الأيام إني أسيب النادي، كنت عملت ده من بدري، نادي الريان القطري طلبني من سنين، وساعتها رفضت استغلال الشرط الجزائي في عقدي والرحيل، واتمسكت بالاستمرار لنهاية عقدي.
** من شهر يناير 2024 بدأت الأحداث، خلال الـ6 سنين اللي قضيتها في الزمالك، عمري ما عملت مشكلة مع حد، وكنت دايمًا بشتغل بإخلاص وفي صمت، ومحدش كان بيسمع عني غير في الملعب، لحد ما جه شهر يناير، وبدأ الموضوع يكبر وبدأت المشاكل، في يناير 2024 جالي عقد وإحنا في إفريقيا، وجالي عرض كبير من نادي الشباب السعودي بقيمة 6 ملايين دولار واترفض.
** والله العظيم ما طلبت 100 مليون من الزمالك وقت التجديد، وطلعوا وقتها في كل حتة يقولوا ده طالب 100 مليون، وواحد من أعضاء مجلس الإدارة اللي المفروض يحافظ على السرية طلع على الهوى يقول زيزو طالب أكتر من 60 مليون بكتير، رغم أن المفروض كان فيه جلسة تانية محدد موعدها، هل طبيعي ده يحصل؟ الكلام كان حاجة ويقولوا زيزو أسطورة لكن الفعل كان حاجة تانية.