نشرت الفنانة عبر صفحتها الشخصية على موقع التواصل الاجتماعي “إنستجرام” منشورًا تكشف فيه عن تعرضها لأزمة صحية.
مقال له علاقة: إليسا تنفي شائعات مرضها من خلال مكتبها الإعلامي
وكتبت ملك زاهر: طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت أحب أنزل حاجة سلبية كنت باخدها بهزار وأشاركها مع close friends، لكن بجد حاسة إن الفترة الأخيرة جاني تعليقات كلها مانتي عايشة ومبسوطة وإحنا مش عايشين، وإيه كل اللي أنتم فيه، وحاسة إن في ناس بصة على أتفه الحاجات اللي ممكن تكون عندي أو بتبسطني، زي مثلاً إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين
وأضافت ملك زاهر: حبيت بس أقولكم إن الحياة مش وردية، أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني باللي أنا فيه ده، ونفسيتي وحشة أوي، أنا بحكي الكلام ده عشان تعرفوا بس إن حياتي فيها الحلو والوحش والله زي أي حد، بس أنا بحب دايمًا أشير الحلو بس، وغالبًا ده غلط، فقررت أشارككم كمان الوحش، ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة، وإن شاء الله هخف وكل شيء هيكون تمام، بس هو مخلي نفسيتي وحشة أوي
السوشيال ميديا
وتابعت: حقيقي كل اللي طالباه إنكم متحكموش على حد من السوشيال ميديا أو من ظهوره في أي حاجة، لأنها بتوري بس يمكن 20٪ من حياته، وادعولي أخف بسرعة، شكرًا
واختتمت ملك زاهر: الهدف من الاستوري دي مش إن أي حد يقلق، لأن الحمد لله أنا كويسة، وإن شاء الله اللي عندي ده له حل، وأنا تمام مفيش حاجة مقلقة، أنا بس حسيت إني محتاجة أشارك الوحش زي ما بشارك الحلو، مش أكتر
اقرأ كمان: تعيين المايسترو تامر غنيم مديرًا للدورة 33 لمهرجان ومؤتمر الموسيقى العربية
وكانت الفنانة قد تحدثت مؤخرًا في أحد البرامج التليفزيونية عن فكرة زواجها أو ارتباطها خلال الفترة القادمة، كما كشفت أيضًا عن علاقة حب سابقة ولكنها لم تكتمل دون أن تكشف عن أسباب فشل العلاقة.
وقالت ملك أحمد زاهر: معرفش أبقى حاجة تانية غير ممثلة، أنا بحب شغلي، وآه طبعًا هتجوز، بس أنا حابة دلوقتي الهدوء النفسي اللي أنا فيه
وأضافت ملك أحمد زاهر: “أنا كان عندي تجربة مكنتش ألطف حاجة، فأنا دلوقتي بطور من نفسي وبشتغل على نفسي في حياتي الخاصة والمهنية، ولما ييجي الشخص المناسب ساعتها هبدأ أركز في الحتة دي، طول ما هو مفيش شخص مناسب مش هعمل ده”