شارك الفنان عبر خاصية الأستوري على موقع إنستجرام منشورًا يطلب فيه الدعاء لابنته بعد تعرضها لأزمة صحية، حيث قال: “يارب أنت الشافي يارب”
من نفس التصنيف: تامر حسني يعلن عن أغنية جديدة مع الكينج ويكشف عن حلمه بالغناء مع الهضبة
أستوري أحمد زاهر.
إصابة ملك زاهر بمرض غريب
أعلنت ملك زاهر صباح اليوم عن معاناتها الصحية، حيث كتبت في أستوري عبر حسابها الرسمي على إنستجرام: “طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت أحب أنزل حاجة سلبية كنت باخدها بهزار، وبنزلها لصحابي المقربين، بس بجد حاسة إن الفترة الأخيرة بتجيني تعليقات كلها: مانتي عايشة ومبسوطة وإحنا مش عايشين، وإيه كل الي انتوا فيه، وحاسة إن في ناس بتبص على أتفه الحاجات اللي ممكن تكون عندي أو بتبسطني، زي إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين، حبيت بس أقولكم إن الحياة مش وردية، أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني باللي أنا فيه ده، ونفسيتي وحشة أوي، أنا بحكي الكلام ده عشان تعرفوا بس إن حياتي فيها الحلو والوحش والله، زي أي حد بس أنا بحب دايمًا أشير الحلو بس، وغالبًا ده غلط، فقررت أشارككم كمان الوحش، ومع إن اللي بيحصلي دلوقتي أنا بحمد ربنا عليه، وعارفة إنه بإذن اللّٰه هيكون حاجة بسيطة وإن شاء اللّٰه هخف وكله هيكون تمام، بس هو مخلي نفسيتي وحشة أوي”.
مواضيع مشابهة: أخبار الفن: كريم وعز بأسلوب جيمس بوند ومها الصغير مع منى الشاذلي
ملك زاهر تطمئن جمهورها
واستكملت ملك زاهر حديثها قائلة: “حقيقي كل اللي طالباه إنكم متحكموش على حد من السوشيال ميديا أو من ظهوره في أي حاجة لأنها بتوري بس يمكن 20٪ من حياته، وادعولي أخف بسرعة شكرا، الهدف من الاستوري دي مش إن أي حد يقلق، لأن الحمد اللّٰه أنا كويسة وإن شاء اللّٰه اللي عندي ده له حل، وأنا تمام مفيش حاجة مقلقة، أنا بس حسيت إني محتاجة أشارك الوحش زي ما بشارك الحلو مش أكتر”.