شارك اللاعب عمرو وردة تفاصيل جديدة حول أزمة سابقة أثيرت حوله، مؤكدًا أن كل ما تم تداوله عنه غير صحيح، وأنه يدافع عن نفسه لإظهار الحقيقة، وليس للتهرب من المسؤولية.
شوف كمان: مدرب ألمانيا يثق في إمكانية الأهلي لتحقيق مفاجأة في المونديال
أزمة عمرو وردة مع أحمد حجازي
قال وردة خلال مقابلة على قناة المشهد: «ربنا بيستر طبعًا، ودي نعمة، لكن اللي اتقال عني ما حصلش، ولو كان حصل كنت رحت وكان هيبقى عندي مشاكل كتير، أي إنسان طبيعي ممكن يغلط، وأنا لو غلطت كنت هقول أنا غلطان، وسوري»
ممكن يعجبك: البنك الأهلي يخصص نصف مليون لكل لاعب في حال الفوز بكأس عاصمة مصر
وتحدث وردة عن علاقة اللاعب أحمد حجازي بالموقف، موضحًا أن حجازي كان في البداية داعمًا له، لكنه غيّر موقفه لاحقًا، مضيفًا: «حجازي كان واقف معايا في الأول، وبعد كده غير رأيه، أنا معرفش ليه، يمكن شاف إن الموضوع فيه تفاصيل كتير»
ورفض وردة الخوض في تفاصيل شخصية تخص حجازي، مؤكدًا احترامه له، قائلًا: «عارف عنه بلاوي بس هو راجل متجوز وعنده أولاد، وأنا مش هأذي حد، مش في طبعي أتكلم عن ناس أو أضرهم، حتى لو في ناس بتحب تأذي غيرها، أنا مش منهم، مش كل حاجة الناس تسمعها تبقى حقيقية، وفي حاجات بتتقال وتُفهم غلط، أنا بدافع عن نفسي مش علشان أبرر، لكن علشان أوضح الحقيقة»
عمرو وردة يتحدث عن أخلاق أبو تريكة
في سياق مختلف، أشاد عمرو وردة بزميله السابق محمد أبو تريكة، واصفًا إياه بـ«أنضف شخصية تعاملت معها في مسيرتي الكروية»، مشيرًا إلى أن أبو تريكة كان يتمتع بأخلاق رفيعة وروح تضامنية نادرة.
قال وردة: «أبو تريكة شخصية محترمة وحقانية، كان دائمًا مباشرًا وصريحًا مع الجميع، وبيساعد الناس بطريقة غير طبيعية، والله العظيم، كنت أشوفه في غرفة الملابس يساعد أي حد محتاج من غير ما يطلب»
وأضاف: «وكان بيشتري أحذية وأجهزة آيباد للاعبين الناشئين من جيبه الخاص، لأنه بيحب الخير وبيحب يفرّح الناس، وكان في لاعيبة ناشئين ما كانوش يقدروا يشتروا مستلزماتهم، فكان هو يتكفل بيها بدون ما حد يطلب»
وأشار وردة إلى أن أبو تريكة كان قدوة في الالتزام والانضباط، مؤكدًا أنه تعلم منه الكثير خلال فترة تواجدهما معًا، مضيفًا: «أنا عمري ما غبت عن تمرين، وأتحدى حد يقول إني قصرت، لكن في ناس بتحب توقع غيرها، للأسف مش كل الناس زي أبو تريكة»، مؤكدًا أن أبو تريكة ترك أثرًا طيبًا في كل من تعامل معه
وتابع: “الفرق كبير بين حد ملتزم وزي أبو تريكة، وحد تاني بيدوّر على إنه يوقع الناس، هو من الناس اللي فعلاً بتسيب بصمة جوه الملعب وبرا الملعب»