تصدر اسم الفنانة ملك أحمد زاهر ترند مواقع التواصل الاجتماعي خلال الساعات القليلة الماضية بعد تعرضها لوعكة صحية شديدة.
ممكن يعجبك: أحمد زاهر يتحدث عن ابنته الخامسة وابنة أخته أصالة
ملك زاهر.
ملك زاهر تطلب الدعاء
ونشرت ملك أحمد زاهر أدعية، طالبة جمهورها بالدعاء لها بالشفاء عبر حسابها الشخصي بموقع التواصل الاجتماعي فيسبوك.
من نفس التصنيف: ياسر جلال في ذكرى رحيل حسن حسني: تركت فراغاً كبيراً لن يُملأ
وكشفت ملك زاهر بنفسها عن وعكتها الصحية من خلال خاصية “الستوري” على حسابها الرسمي على “إنستجرام”، حيث نشرت صورة لها من داخل المستشفى وعلقت عليها موضحة أنها تمر بظرف صحي لم يتم تشخيصه بعد بشكل كامل، وأن هذا الأمر أثر على نفسيتها.
وأكدت ملك في منشورها أنها اعتادت على مشاركة الجانب الإيجابي من حياتها فقط، ولكنها قررت هذه المرة أن تشارك متابعيها الجانب الآخر من الحياة، وأن الحياة ليست دائماً “وردية”، طالبة من الجمهور الدعاء لها بالشفاء العاجل.
مرض غريب
وقد أعلنت ملك زاهر عن أزمة مرضها، حيث قالت في أستوري عبر حسابها الرسمي على موقع تبادل الصور والفيديوهات إنستجرام: “طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الأخر، ولما كنت أحب أنزل حاجة سلبية كنت باخدها بهزار، وبنزلها close friends وبهزر بيني وبين صحابي، بس بجد حاسة إن الفترة الأخيرة بيجيلي كومنتس كلها مانتي عايشة ومبسوطة وإحنا مش عايشين وإيه كل الي انتوا فيه، وحاسة إن في الناس بصة علي أتفه الحاجات اللي ممكن تكون عندي أو بتبسطني، زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين، حبيت بس أقولكم إن الحياة مش وردي، أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بـ اللي أنا فيه ده، ونفسيتي وحشة أوي، أنا بحكي الكلام ده عشان تعرفوا بس إن حياتي فيها الحلو والوحش والله، زي أي حد بس أنا بحب دايما أشير الحلو بس وغالبا ده غلط، فقررت أشارككم كمان الوحش ومع إن اللي بيحصلي دلوقتي أنا بحمد ربنا عليه، وعارفة إنه بإذن اللّٰه هيكون حاجة بسيطة وإن شاء اللّٰه هخف وكله هيكون تمام بس هو مخلي نفسيتي وحشة أوي”
ملك زاهر تطمئن جمهورها
واستكملت ملك زاهر حديثها قائلة: “حقيقي كل اللي طالباه إنكم متحكموش علي حد من السوشيال ميديا أو من ظهوره في أي حاجة لأنها بتوري بس يمكن 20٪ من حياته، وادعولي أخف بسرعة شكرا، الهدف من الاستوري دي مش إن أي حد يقلق، لأن الحمد اللّٰه أنا كويسة وإن شاء اللّٰه اللي عندي ده له حل، وأنا تمام مفيش حاجة مقلقة، أنا بس حسيت إني محتاجة أشارك الوحش زي ما بشارك الحلو مش أكتر”