نشرت الميكب آرتيست فيديو تعلن فيه رسمياً انفصالها عن زوجها الفنان إسماعيل الليثي، حيث اتخذت بعض الإجراءات القانونية بعد الأزمة الأخيرة التي وقعت بينهما والتي شهدت تعدي الأخير عليها بالضرب وسرقتها وخطف بناتها.
مقال له علاقة: أخبار الفن: زواج أسماء شريف منير واستغاثة شيماء سعيد من إسماعيل الليثي
وقالت شيماء سعيد: “أنا مش حابة أتكلم في أي مواضيع، أنا مرجعتش، واحنا انفصلنا ولسه في إجراءات قانونية هاخدها، وأنا رجعت شقتي أنا وعيالي ومحدش يقدر يطلعني من البيت”
وأضافت شيماء سعيد: “أنا قعدة في بيتي مع عيالي ومش عايزة أي حد تاني في حياتي، ومش عايزة رجالة في حياتي تاني خالص كده زي الفل والحمد لله رب العالمين، واللي بيعملوا أعمال علشان نتخانق ونسيب بعض بقولكوا حسبي الله ونعم الوكيل فيكوا”
وفي نفس السياق، خرجت البلوجر والميكب آرتيست عن صمتها وكشفت تفاصيل الفيديو الصادم الذي نشرته أول أيام العيد، حيث ظهرت فيه منهارة من البكاء، واتهمت زوجها المطرب الشعبي إسماعيل الليثي بالاعتداء الجسدي عليها وسرقتها وخطف بناتها.
وكشفت شيماء سعيد سبب حذفها للفيديو بعد فترة قصيرة من نشره، قائلة: “معلش أني اتأخرت في الرد، كنت تعبانة، ومرحتش السنتر لحد النهارده، والناس اللي عاوزة تفهم سبب المشكلة، وليه حذفت الفيديو، أنا حذفته لأن والدي حلف عليا أنه ميعرفنيش طول العمر لو محذفتوش، وأنا طول عمري بكبر بأهلي وناسي، ومطيعة ومش بعمل حاجة غير أني بشتغل”
صعب عليا أطلع بالشكل البشع ده
وأكدت شيماء سعيد أن هدفها لم يكن التريند مثلما اتهمها البعض، موضحة: “مش في دماغي تريند، ومحدش يقبل على نفسه بالمنظر البشع ده، وأنتم طول عمركم بتشوفوني حلوة، وأكيد صعب عليا أطلع بالشكل البشع ده”
كما كشفت شيماء سعيد سبب المشاجرة بينها وبين زوجها إسماعيل الليثي: “صحاب إسماعيل اللي بيكذبوني، أنا مضروبة ومتبهدلة، لأنه اتأخر عليا، كنت مستنياه 2 بليل جالي تمانية الصبح طبيعي أزعل، وكان رايح يدبح، قلت له مش هروح في حتة أنت ضيعت اليوم عليا، فخد البنات وراح، ورجع المغرب ودخل نام ولما صحي كان عاوز يتخانق بأي شكل، وقال لي أنتي رايحة فين، قلت له رايحة السنتر، وحصلت مشاجرة وضربني ضرب هستيري، وعض في الوش، وإحنا عشنا مع عشر سنين”
معمول لينا أعمال علشان تدمر لينا حياتنا
وأضافت: “إحنا معمول لينا أعمال علشان تدمر لينا حياتنا، ويمكن عيشي اتقطع معاه، ومش هدفي التريند خالص لأني موجوعة وجع الدنيا والآخرة، ومحدش حاسس أنا قد إيه شفت مواقف وقصص تقهر وتحزن”
مقال له علاقة: باسم سمرة يتحدث عن تجربته كعضو في لجنة تحكيم مهرجان الدار البيضاء