أطلق مطرب المهرجانات أحدث أعماله الغنائية بعنوان “مشاكل”، والتي سيتم طرحها على شكل فيديو كليب، حيث نشر البوستر الرسمي للأغنية عبر حسابه على إنستجرام مساء أمس، وكتب معلقًا: “كليب مشاكل .. بكرة الساعة ٣ العصر”.
مقال له علاقة: سلطان بن محمد حاكم الشارقة ينعى الفنانة الراحلة سميحة أيوب
آخر أعمال حمو بيكا
وكانت آخر إصدارات المطرب حمو بيكا أغنية “أسد عوو” التي تم طرحها قبل شهر، الأغنية من توزيع فيجو الدخلاوي وكلمات كاستيلو، وقد جاءت كلمات الأغنية كالتالي:
“الخوجه لما انا بفتحها كل الاخصام تتنحى .. خايفين مننا هجرحها وهنقرا عليهم الفاتحه .. شراني دراكولا هخبطكو زي الوحشه هلغبطكو .. مش جايه عشان اعوركو انا جاي عشان ادبحكو .. اظبطو بقا حالكو بحالكو ده بدل بقا منزعلكو .. حضر حضر الكل هيطس جي اديكو بمقص .. البكبك بيج بوص لوحدو معلم جري خلع اللي عامل قبضاي .. قالي انا خمسه وجاي اقعد جمبي ياصبي .. ومني اتعلم تلفان فقدان عقلي ده بسنان هيعض وشوش اخصامي .. خوجتي مشرشره زرزوره زرزره مسنونه وسلاحها دي حامي انا قاطع ع اشكالكو .. بتخافو من اللي بيحكومكو اما الغلبان لو سابكو تعيشو حياتكو بتبقو جراوي .. اسد عو بحضر باكل الجو عندي شيطاني ده سو .. ده اللي هيجي يحلو هيزعل مني .. عمل صنم لما لقاني صحيت ريح .. علشان جيت كله يقعد في البيت يدارى مني انا عندي صحاب لاجل النسوان ع العادي .. قوام بيبعوني اصحابي اندال وعيال دي شمال ف الضهر بقو يحاربوني من اجل فلوس .. وكاشات وحريم بيرنو قوام ويجولي اصحابي دول شيشنه ومنظر ده ف زورهم عايزين خنصر من ورا منهم .. مش بكسب انا والله بقيت بخسر ولا ايه ده ايه اللي جابك .. عبنا مش هتغور من هنا طلاما جيت عندنا يبقى متطلعش .. عمل شوح خد قلمين ع الوش اركز متعيطش تاني مره متكرفش متتحنكرش .. انا مش جاي في حنيه انا جي سلاحي في ايديا اللي يفكر ينكشني واللهي هيبقى ضحيه .. اللي هينكشني هدقو على قبرو اكيد هنزقو علشان غيرو ياخد حذرو .. يتعلم يقفل بوقه ظابط حالي واللي بيجي ع السكه بنركنه ع الدكه يبني الناس مش سالكه ميتعشروش .. عمل بطل جاي وسايق الهطل تزاولني هتتقتل قبلك عملو حمل ومكلوش .. اساطير داخل دايرتنا والناس برجوله حبتنا .. تيجي في حب احنا نعاملك في الدكن .. هتشوف شقاوتنا يا عيال على الميديا بتهري في الشارع طلع تجري .. واما نجيلها تتهرب تختفي تنام من بدري اكل ضرب قد حان وقت الحرب .. لو عكيت هتهب مش هدور بالحب تدور منافله مشي اتزق انت يالا بتتزق .. عمرك متقول لأ ع راسك تدق يقعر الحله”.
حمو بيكا يطالب بحماية الملكية الفكرية
في سياق آخر، وجه الفنان الشعبي حمو بيكا رسالة قوية عبر فيديو نشره على صفحته الرسمية بموقع “فيس بوك”، حيث طالب بحماية حقوقه في الملكية الفكرية، بعد تكرار ما اعتبره “سرقة ألحانه” من قبل مجموعة من الفنانين الجدد الذين يقدمون نفس نمط الموسيقى الذي اشتهر به.
من نفس التصنيف: زوجة أحمد سعد تكشف سر إزالة وشمه في “نقاء روحي”
وعبر حمو بيكا عن استيائه من تزايد هذه الظاهرة، مشيرًا إلى وجود موجة من المطربين الصاعدين الذين يقومون باستنساخ ألحانه وكلمات أغانيه دون الرجوع إليه أو الحصول على إذن مسبق، وأضاف بنبرة غاضبة: “كل شوية مطربين جداد بيطلعوا ويسرقوا ألحاني ومجهود سنين طويلة اشتغلت عليها .. تعب وشقى مش بالساهل… بس أنا مش زعلان .. اتشهرت خلاص وسايب الغلابة ياكلوا عيش.”
ورغم نبرته الساخرة في بعض الجمل، أوضح حمو بيكا أن هدفه من الحديث العلني هو إثارة قضية حفظ الحقوق الفنية، مؤكدًا أنه يتعمد طرح الأمر أمام الجميع ليكون هناك رد فعل رسمي أو شعبي، وأضاف: “أنا بتكلم على الملأ .. عشان الكلام لما يبقى علني يبقى في رد فعل، ولكل فعل رد فعل .. شغل الدس اللي من تحت الترابيزة مش هياكل معايا.”
وقد لاقت كلمات حمو بيكا تفاعلًا واسعًا من جمهوره، وأثارت نقاشًا عبر مواقع التواصل حول قضية اقتباس الألحان وتكرار الأساليب الموسيقية في مجال أغاني المهرجانات، خاصة بين الأسماء الجديدة التي تسعى لتحقيق الشهرة من خلال تقليد النجوم المعروفين في هذا المجال.