انتقدت الفنانة قانون الرؤية الذي يسمح للأب برؤية أبنائه بعد الطلاق، مشيرة إلى أنه قانون غير عادل، حيث لا يتيح للأب الفرصة لرؤية أطفاله بشكل كافٍ بل يقتصر على ساعات قليلة أسبوعيًا.
شوف كمان: إيرادات عيد الأضحى.. فيلم المشروع إكس يتصدر القائمة
وناشدت هاجر الشرنوبي الجهات المسؤولة بضرورة تعديل هذا القانون، قائلة خلال لقائها في نيوز رووم: “القضية دي مهمة وأنا شغالة عليها ككتابة، يعني إيه أب يشوف ابنه ساعة ولا اتنين في مركز شباب؟”
وأضافت: “يعني إيه لما اختلف مع الأم وانفصل يبقى أنا انفصلت عن ابني كمان، يعني إيه يكون يتيم الأب وباباه عايش، فيه بنات كتير واخدين الموضوع موضة وبيستغلوا الحتة دي، وتلوي دراع الراجل وتقوله مش هتشوف ابنك، شرع ربنا مقالش كده”
وتابعت هاجر الشرنوبي: “أنا تحمست وباخد ورشة علشان اتعلم الكتابة لأني عاوزة أتكلم عن القضية دي، إحنا كسيدات عندنا منظمة حقوق المرأة وبنرد كويس، لكن الرجالة مركزين في شغلهم ووراهم مسؤوليات مش مركزين أنهم يردوا، وبقول لهم أنتم غلطانين، لازم الموضوع ما يتسكتش عليه”
شرع ربنا مقالش كده
وطالبت هاجر الشرنوبي بضرورة تغيير هذا القانون، قائلة: “القانون ده لازم يتغير، وشرع ربنا ما قالش كده، وأول واحدة هيحاسبها الطفل لما يكبر الأم، لأنه هيكبر وهيفهم وهيبقى شاب وهيسمع للطرفين، ومش بيعيد يكرهها، ليه الناس مش بتتعامل مع ربنا”
واختتمت هاجر الشرنوبي حديثها بقولها: “بناشد كل الجهات المسؤولة بضرورة تغيير قانون الرؤية، لأنه قانون ظالم للراجل”
شوف كمان: درة تتألق بالحجاب للمرة الخامسة في فيلم الست لما | صور
خبر صحيكرم هاجر الشرنوبي بعد تألقها في حكيم باشا
وكرم موقع خبر صحالفنانة هاجر الشرنوبي بعد تألقها في مسلسل حكيم باشا الذي عُرض في الموسم الرمضاني 2025، حيث جسدت خلاله دور صفا، والمسلسل من بطولة النجم مصطفى شعبان، وضم نخبة من الفنانين مثل رياض الخولي، سلوى خطاب، سهر الصايغ، دينا فؤاد، أحمد صيام، محمد نجاتي، منذر ريحانة، سلوى عثمان، سارة نور، وعدد آخر من الفنانين، والعمل من إخراج أحمد خالد أمين، وتأليف محمد الشواف.