قام المنتج ومنظم الحفلات بدعم النجمة بعد أزمتها الأخيرة في مهرجان موازين بالمغرب، حيث واجهت عددًا من الانتقادات بسبب غنائها بطريقة “البلاي باك”.
شوف كمان: نوال الزغبي تشرح سبب تأجيل إصدار أغنيتها الجديدة بسبب الأوضاع الأمنية والسياسية
وليد منصور يدعم شيرين عبدالوهاب
وكتب وليد عبر حسابه الشخصي على فيسبوك: “صباح الخير صباح النجاح صباح كل حاجه حلوة، مستغرب جدًا من إن في ناس قاعدة تتكلم على شيرين عبدالوهاب في حفل موازين، اللي كل الجهات المنظمه هناك بتقولك أكبر عدد جماهيري في تاريخهم، ومستغرب أكتر من شوية اللجان الفشلة اللي للأسف من ناس تابعه لفنانة متخيلة كده مثلاً إن هتلغوش على نجاح شيرين”
مقال له علاقة: أصالة تطرح برومو أغنية “كلام فارغ” من ألبومها الجديد ضريبة البعد
وليد منصور يؤكد أن شيرين صوت مصر
وتابع وليد منصور: “يا جماعة أنا بقالي ١٨ سنة شغال في شغلانة الحفلات، ومع احترامي الكامل، مصر مفيهاش غير شيرين عبدالوهاب واحدة، طبعًا في نجمات مصريات كبار جدًا جدًا، بس شيرين عبدالوهاب الممثل الشرعي لصوت مصر في العالم، شيرين لو روحت شارع شعبي تلاقي أغانيها، لو روحت ديسكو هتلاقيها، لو روحت ستاد هتلاقيها، هي قدرت بصوتها وإحساسها تكون صوت لجميع طبقات المجتمع”
وليد منصور: شيرين عبدالوهاب أم كلثوم العصر
وأكمل: “سافر مع شيرين وشوف هتفهم هي فين، ويا ريت بعيد عن أي أمور شخصية، نفهم إن الفنانة دي حالة فنية صعب تحصل دايمًا، أنا شايف شيرين أم كلثوم العصر الحديث، أنا عملت ليها ٨٠٪ من حفلات مصر، مفيش حفلة مكانتش أعلى حفلة لفنانة”
وواصل وليد دعمه لـ شيرين، حيث كتب: “شيرين بنت البلد اللي هتفضل بفنها في حتة لوحدها، فياريت لما حد ينجح مندورش على حاجات مضحكة ونقولها، أصل كان في كام أغنية بلاي باك، علشان مرارتي بتتعب والنبي، غنوا كل الأغاني بلاي باك وروني الجمهور هيفضل يغني كل أغانيكم، وحفظنها زي شيرين”
واختتم: “شيرين طالعة من محنة، وشرفتنا بجمهور فاق كل حاجة، بدل ما ندعم قاعدين نقول كلام غريب، مبروك شيرين هتفضلي صوت مصر الحقيقي”
مشاهير يدعمون شيرين عبدالوهاب
يُذكر أن عدد من المشاهير قاموا بدعم شيرين مؤخرًا، ومن بينهم الإعلامية بسمة وهبة، والتي قالت في فيديو عبر إنستجرام: “نفسي أكتر الناس الموجودة دلوقتي يكونوا من أهل المغرب، أنا يا جماعة عاوزة أقول كلمتين أنا بعشق ثقافتكم وحضارتكم يعني انتو شعب ذواق للفن وعارفين إن أنا بحبكم بالزاف وكل اللي طلباه منكم إنكم متزعلوش من شيرين متدبحوش شيرين”
كما كتب الشاعر تامر حسين، عبر حسابه على منصة إكس: “تفتكروا شيرين عبدالوهاب ماتتنماش تظهر بأجمل وأكمل شكل شكلاً ومضموناً؟، واضح إن صوتها كان مُرهق أو مُجهد، ورغم ذلك بِترجع وبتحاول وبتعافر، ومهتمة وواحشها تقابل الجمهور وترجع لمكانها ومتعتها ورونقها ع المسرح”