حرص حازم إمام، نجم الزمالك السابق، على توديع محمود عبدالرازق شيكابالا، قائد الفريق الأبيض، بعد قراره الاعتزال بشكل رسمي وإنهاء مسيرته في الملاعب، حيث يُعتبر محمود عبد الرازق “شيكابالا” اللاعب الأكثر تحقيقًا للبطولات في تاريخ نادي الزمالك، برصيد 18 بطولة منذ ظهوره الأول بالقميص الأبيض، ونشر حازم إمام عبر صفحته الشخصية بموقع التواصل الاجتماعي “إنستجرام” صورة تجمعه بشيكابالا في نهائي كأس مصر الماضي، وكتب عليها: “هتوحشنا يا شيكا”.
ممكن يعجبك: جدو يكشف أسباب انهيار غزل المحلة وهبوطه بسبب السوشيال ميديا المدفوعة
أعلن محمود عبدالرازق شيكابالا، قائد الفريق الأول لنادي الزمالك، اعتزاله بشكل رسمي وإنهاء مشواره الكروي في الملاعب المصرية بعد حوالي 32 عامًا من التألق، حيث أن مشوار شيكابالا حافل بالإنجازات مع نادي الزمالك، سواء من ناحية البطولات والألقاب أو الإنجازات الفردية أيضًا، وعلى الفور قرر مجلس إدارة نادي الزمالك برئاسة حسين لبيب بالتنسيق مع جون إدوارد، المدير الرياضي للفريق، حجب القميص رقم 10 في الموسم المقبل، والذي كان يرتديه شيكابالا، تقديرًا له ولتكريمه على مسيرته الكبيرة مع نادي الزمالك.
اقرأ كمان: شوبير يتوقع رحيل نجم الزمالك في 28 يونيو المقبل
حازم إمام يعلن الرحيل عن الزمالك
في سياق متصل، أعلن حازم إمام رحيله عن منصب عضو لجنة التخطيط بنادي الزمالك، حيث قال في تصريحات إذاعية: “بخصوص لجنة التخطيط خلاص مبقناش موجودين ومبقاش لينا دور ومفيش حاجة اسمها لجنة تخطيط”، مضيفًا “الكلام ده قولناه من زمان أول ما يجي مدير رياضي إحنا خلاص ملناش وجود، الموضوع مكنش بالشكل ده يعني”، وأكمل “في حاجة مش هقول بتضايقني لكني مش مبسوط منها لما أطلع أتكلم في حتة، الناس حصراني في حتة حازم إمام عضو لجنة التخطيط، كأني بقول حاجة من جوا الزمالك لأ”.
وتابع “الموضوع انتهى تمامًا، حاليًا مش متواجدين سواء أنا ولا عمرو الجنايني، وميدو كان كتب كمان، وكل التوفيق لمجلس الإدارة ولجون إدوارد لو في حاجة استشاري أكيد مرحب في أي وقت من الأوقات”، موضحًا “في ناس بتقولي كلم جون في لاعب فلاني، والله هو اللي مسؤول عن كل حاجة، وإحنا منعرفش حاجة ومدخلناش في أي حاجة، وهو اللي بيقود مع كابتن حسين لبيب والمجلس، وأنا والله العظيم مكنتش أعرف مين المدرب اللي جاي، والمجلس وكابتن حسين هما اللي جابوا الناس”.
وأردف “شوفت بوست لكابتن أيمن الرمادي في منتهى الجمال، وكأنه واحد من أبناء الزمالك وإنه مش هيشتكي علشان مستحقات، وكان كلامه محترم جدًا، وربنا يوفقه”، وشدد “النهارده المدرب الجديد للزمالك يانيك فيريرا وصل، وأعتقد هيتقدم النهارده أو بكرة بالكتير، وكل التوفيق له”، واختتم تصريحاته: “الفكرة اللي موجودة أتمنى ليها التوفيق، مدرب كويس اشتغل في الدوري البلجيكي والدوري السعودي، عارف المنطقة العربية وصغير في السن، هو المساعدين هياخدوا الأربعة تقريبًا 50 ألف دولار”.