استعاد الفنان لحظة مؤثرة من بدايات مشواره الفني، حيث نشر مقطع فيديو نادر للنجمة الراحلة فاتن حمامة، التي ظهرت فيه وهي تشيد بموهبته وتوجه له نصائح هامة تتعلق بالالتزام والانضباط.
شوف كمان: مي كساب تتألق بتقنية الذكاء الاصطناعي دون فيلر أو بوتوكس
وكتب الفيشاوي تعليقًا على الفيديو عبر حسابه الرسمي على موقع “إنستجرام”: “أنا أتشرف أن حضرتك زنبتيني، وأنا متأكد إنك دلوقتي فخورة بيا عشان أخيرًا استخدمت مخي وظبطت مواعيدي.. الله يرحمك يا ماما تونة، النجمة العالمية الكبيرة أستاذة فاتن حمامة”
الفيشاوي يرد على نصيحة فاتن حمامة بعد سنوات
كانت فاتن حمامة قد ظهرت في اللقاء قائلة: “فيه أحمد مثلا الفيشاوي شاب بيبتدي.. أنا أعتقد إنه هيبقى ليها مستقبل كبير أوي لو استعمل عقله وبقوله تاني ونفسي يسمعني بقول “لو استعمل عقله، أحيانًا برده كان بيبقى مهمل في مواعيده ذنّبناه شوية”
في سياق آخر، حل الفنان أحمد الفيشاوي ضيفًا في “بودكاست” “حوارات مع عباس” الذي يقدمه الفنان عباس أبو الحسن، حيث كشف خلال اللقاء عن سبب رغبته في العيش وحيدًا بدون زوجة أو أبناء، مؤكدًا أن الأمر مرتبط بشغفه بالفن وصناعة السينما.
قال أحمد الفيشاوي: “أنا شخصية عايز أبقى لوحدي تمامًا، وأنا كده بقالي 6 سنين، ولو ربنا إداني العمر هفضل لآخر نفس عايز أعيش لوحدي، لأني لما بعيش لوحدي معنديش رفاهية أني أخون حد أو حد يخوني، ولا أكذب على حد ولا حد يكذب عليا، ولا أنكد على حد ولا حد ينكد عليا، وأنا لو عندي زوجة أو عيال في البيت مش هعرف أعمل السينما اللي أنا عايزها، لا ضرر ولا ضرار”
من نفس التصنيف: تامر عاشور يبدع في مهرجان موازين بـ17 أغنية ويأسر قلوب الجمهور المغربي
تفضيل الوحدة
تابع أحمد الفيشاوي: “واحدة من مراتاتي قالتلي أنت لو سبتني هتموت لوحدك، والست دي إدتني سكة عمري ما فكرت فيها، وعمري ما كنت هاكمل في الإخراج اللي أنا عايزه، وقلت ليه يبقى عندي 70 ولا 80 سنة وحواليا عيل بيعيط وبنجيب له أدوية وبامبرز، أنا في الآخر هدخل القبر لوحدي ليه يبقى حواليا دوشة وأنا بعد ساعتين هبقى تحت الأرض؟ ما أنا ممكن آخر ساعات في حياتي أقضيها لوحدي على سريري أقول يا رب ارحمني أنا بموت”