ظهر مطرب المهرجانات مؤخرًا في برنامج تليفزيوني، حيث انتقد بشكل صارم مطرب المهرجانات رضا البحراوي، وذلك عندما قام مقدم البرنامج محمود الليثي بمقارنة بينهما، واختار حمو بيكا محمود الليثي، فما هي القصة وراء هذه الأزمة؟
مقال مقترح: وفاة والدة الفنان هشام إسماعيل وصلاة الجنازة عصرًا في مسجد السيدة نفيسة
أزمة حمو بيكا ورضا البحراوي
تحدث حمو بيكا عن رضا البحراوي قائلًا: “أركن رضا البحراوي على جنب .. هو محمود الليثي .. هو تريند ايه .. ابعتيهاله ووديهاله .. تاريخه ايه .. هو مالوش تاريخ أصلًا .. هو بياخد أجر على ايه .. هو له قبول مع الناس في الحتة دي .. ربنا يسهله .. بس الليثي تاريخ وله أغاني مأثرة مع الناس لحد دلوقتي .. البحراوي في تاريخه كله عمل 10 أغاني .. ناجح أعمل أغاني لنفسك بقى .. عمال يعمل أغاني ندم بس”
اعتزال حمو بيكا
في سياق منفصل، أثار حمو بيكا الجدل بعد وفاة المطرب أحمد عامر، حيث قام بحذف جميع أغاني أحمد عامر من قناته، وعندما أعلن ذلك، طلب أحد المتابعين منه أن يعتزل ويقترب من الله، ليرد أحد مديري صفحته الرسمية: “إنشاءالله قريب”، مما أدى إلى انتشار أنباء اعتزاله، ليخرج حمو بيكا مؤخرًا وينفي هذه الشائعات.
أكد حمو بيكا عبر بث مباشر على صفحته الرسمية بموقع التواصل الاجتماعي “فيسبوك” أنه مستمر في الغناء ولا يفكر في الاعتزال، مشددًا على أنه لا يقوم بأي شيء خاطئ.
حمو بيكا ينفي نبأ اعتزاله
قال حمو بيكا خلال الفيديو: “مش فاهم ليه الخبر ده منتشر.. أنا مبعملش حاجة غلط علشان أعتزل الغناء، أنا مسحت أغاني أحمد عامر لأنه في ذمة الله، ومكانش ينفع أغانيه تفضل موجودة عندي، لكن غير كده مفيش حاجة تستدعي الكلام ده”
وأضاف أن مهنته تمثل مصدر رزق له ولعدد كبير من العاملين معه: “ده أكل عيشنا، وفي أكتر من 24 أو 26 شخص فاتحين بيوت من الشغل ده، ولو في حاجة غلط أو حرام، ربنا هو اللي هيحاسبنا مش الناس”
وأكد حمو بيكا أن فريق عمله توقف عن تقديم أي حفلات مؤخرًا احترامًا لوفاة زميله الفنان أحمد عامر، قائلًا: “وقفنا شغل امبارح، ومخدتش شغل خالص في القاهرة، وكان في أغاني جديدة هتنزل وقفناها لمدة 5 أو 6 أيام بسبب وفاة أحمد عامر، الله يرحمه ويسامحه”
وشدد على تمسكه بالغناء كمهنة وهواية، مؤكدًا أنه لا يسيء لأحد ولا يضر أحدًا: “أنا مش هعتزل.. الغنا ده حياتي وبحبه، في ناس بتعمل حاجات غلط وبتحب الأذية، لكن إحنا لا بنأذي حد ولا بنضايق حد، وإحنا بنصلي وبنعرف ربنا كويس”
شوف كمان: محمد رمضان يحتفل بفوز باريس سان جيرمان بدوري الأبطال مع ناصر الخليفي
واختتم حمو بيكا حديثه بتوجيه رسالة إلى منتقديه: “الناس فاكرة إننا مرتاحين، لكن إحنا بنتعب ونجتهد علشان نوصل، أنا اشتغلت في حاجات كتير محدش يتخيلها، وكلها بالحلال، الغنا شغلي وشغف حياتي، ومش ناوي أبطله”