في لقاء خاص مع “نيوز رووم”، تحدث الفنان سعد الصغير عن جانب إنساني مؤثر في بداية مشواره الفني، حيث وجد الدعم والمساندة من شخصية رياضية بارزة لم يكن يتوقع أن تكون سببًا مباشرًا في انطلاقته الفنية، وهو الكابتن معتمد جمال، نجم الزمالك السابق ومدربه المعروف.
مقال مقترح: الأحد المقبل انطلاق عرض مسلسل “فهد البطل” على قناة “MBC1”
قال سعد الصغير في تصريحاته:
“أنا مدين بالكثير في مسيرتي الفنية للكابتن معتمد جمال، لولا مساعدته وموقفه الرجولي معي في بداياتي، لم يكن هناك شخص اسمه سعد الصغير اليوم، الناس كلها تعرف سعد الفنان، لكن قليل اللي يعرفوا إن ورا الاسم ده كان فيه راجل آمن بيا ووقف جنبي من غير ما يستنى أي مقابل”
وأضاف:
“معتمد جمال مش مجرد صديق، ده أخ وصاحب عمر، وهو أول شخص ساعدني وأنا ماكنش في جيبي حاجة، في الوقت اللي كنت بحلم أعمل أغنية ومفيش معايا فلوس، هو اللي إداني 5000 جنيه، وقال لي: خُدهم واديهم لمصطفى كامل علشان يساعدك تعمل أول أغنية لك”
مقال مقترح: وزير الثقافة يدعو لعقد المجلس الأعلى بتشكيله الجديد للتصويت على جوائز الدولة
وأوضح الصغير أن تلك اللحظة كانت نقطة التحول في حياته، حيث شعر لأول مرة أن حلمه ممكن يتحقق، وأن هناك من يثق فيه ويدعمه في صمت، قائلاً:
“أنا عمري ما هنسى اليوم ده، الفلوس مش كل حاجة، لكن الإحساس إن حد مؤمن بيك، ده اللي بيكملك ويديك دفعة، الكابتن معتمد ماكانش بس بيشجعني، ده كان سند حقيقي، ومن وقتها وأنا دايمًا بفتكره بدعوة حلوة، وبقول للناس إن اللي يبدأوا معاك الطريق عمرهم ما يتنسوا”
واستطرد الصغير في حديثه عن علاقة الصداقة القوية التي تجمعه بمعتمد جمال، مؤكدًا أن الأخير لم يكن يومًا يبحث عن أضواء أو شكر، بل يفعل الخير من باب الإنسانية والوفاء:
“الناس دي نادرة، اللي يعمل خير ويمشي، اللي يسندك من غير ما يتمنن عليك، الكابتن معتمد واحد من الناس دي”
وأكد سعد الصغير أن مشواره لم يكن سهلاً، وكان مليئًا بالتحديات، لكن وجود أشخاص مثل معتمد جمال جعله قادرًا على الاستمرار وتقديم نفسه للجمهور، مضيفًا:
“كل نجاح وصلت له فيه ناس ورا الكاميرا هما السبب فيه، الكابتن معتمد مش بس مدرب كبير في الزمالك، هو راجل ابن أصول، ودايمًا كنت بشوف فيه أخ كبير وجدع أصيل”
واختتم سعد الصغير تصريحه برسالة وفاء قال فيها:
“عايز أقولها من قلبي: شكراً يا كابتن معتمد، محبتك في قلبي مش هتتغير، وفضلك عليا عمره ما هيروح، واللي ينسى الناس اللي شالته، عمره ما هيكمل”
سعد الصغير
اقرأ كمان: وليد سامي يرسل رسالة غامضة بعد انفصاله عن إلهام عبد البديع تحت عنوان “المرأة الرخيصة”