بدرية طلبة تنفي القبض عليها وتؤكد: لم أقتل زوجي ولست متورطة في تجارة الأعضاء

ظهرت الفنانة في بث مباشر على صفحتها الشخصية بموقع فيسبوك، معبرة عن استيائها الكبير من الحملة الموجهة ضدها وضد بعض الفنانين، واتهامها بالعديد من الشائعات، مثل قتل زوجها والتجارة في الأعضاء

وقالت بدرية طلبة: “لقيت أختي بتكلمني وهي متوترة وبتقول لي إنتي فين؟ اتقبض عليكي؟ ليه أجرمت في إيه علشان يتقبض عليا”

وأكدت بدرية طلبة أنها لم تسئ للشعب المصري، بل كان حديثها موجهًا لفئة صغيرة تهاجمها وتسبها، حيث قالت: “أنا بكلم الشعب المصري المحترم.. بالله عليكم لما تكونوا قاعدين في تطبيق لا ليكم ولا عليكم، وتلاقي ناس داخلة يشتموكم هتقولوا إيه.. واحد بيقول قتلتي جوزك وبتجاري في الأعضاء وشحاتة ومطبلاتية، أرد أقول إيه”

وأضافت بدرية طلبة: “أنا أصغر عيل في الشعب المصري المحترم جزمته على دماغي، والشوية اللي بيدخلوا يسفزونا وإحنا في حالنا، ويسبونا في أعراضنا، دول مالهمش علاقة بالشعب المصري، وعيب لما الشعب المصري ينساق وراء شوية لجان ويصدق كلامهم، الشعب المصري مفيش راجل ولا ست محترمة هضيع دقيقة من وقتها وتدخل على تطبيق تشتمني وتسبني في عرضي، الشعب المصري أرقى وأحسن من كده بكتير، اللي دخلوا لي لجان، زي واحد قال لي اتفوا عليكي وعلى أهلك، أنت تعرف أهلي منين، وأنا ست دمي حامي مش هغير طبعي، أنا بردح علشان أنتي واللي زيك بتستفزوني، إيه الافترى ده”

وتابعت بدرية طلبة: “اخدوا كلامي وقصوه وقالوا أني بشتم الشعب المصري، أنا بشتم اللجان والخرفان، إنما الشعب المصري بالريس أسيادكم.. أنتم عمركم ما هتكونوا أسياد البلد”

وأردفت: “من يوم ما اتهموا صاحبتي وفاء عامر بالتجارة في الأعضاء، ولقيتهم بعدها دخلوا عليا وأنا قاعدة ألاقيهم بيقولوا الكبدة بكام؟ والعضو ده بكام؟، أنا رد فعل فقط، أنا ما شتمتش الشعب المصري، شعب مين المصري اللي هشتمه اللي أصغر عيل فيه بيتصور معايا ويقولي يا بدارة، الشعب المصري هما اللي عملوني وعملوا غيري، أكبر نجم فيكم يا مصر أهل البلد اللي عاملينه، اتقالي ما تطلعيش وما ترديش، لكن اللي بيحصل فيا وفي عرضي أوفر”