“عمرو أديب يكشف عن تغير فلسفته في الحياة وما هو الأفضل له مستقبلاً”

شارك الإعلامي عمرو أديب عبر صفحته الشخصية على منصة “إكس” تغريدة تبرز التغييرات التي شهدتها حياته في الفترة الأخيرة، حيث تحدث عن الظروف التي يعيشها وما يفضل أن يكون عليه.

كتب عمرو أديب على صفحته: “بقيت بفضل الدولة المارقة العصبية عن الدولة العاقلة الحكيمة، بقيت بفضل التغيير المستمر عن الثبات الطويل، بقيت بفضل أمير عيد عن حمزة نمرة، بقيت بفضل الصمت عن الحقيقة المايعة، بقيت بفضل الموقف بدرى عن الانتظار والترقب والتحليل، بقيت بفضل أن أقول رأيي في الحاجة الوحشة ومجاملش علشان ما أزعلش، بقيت بفضل إمام عاشور عن زيزو، بقيت بفضل المطربين الشعبيين عن مشاهير الغنا، بقيت بفضل إن شيرين تبقى جاهزة عن أنها تظهر كتير”.

بقيت بفضل الدولة المارقة العصبية عن الدولة العاقلة الحكيمة، بقيت بفضل التغيير المستمر عن الثبات الطويل، بقيت بفضل أمير عيد عن حمزة نمرة، بقيت بفضل الصمت عن الحقيقة المايعة، بقيت بفضل الموقف بدرى عن الانتظار والترقب والتحليل، بقيت بفضل أن أقول رأيي في الحاجة الوحشة ومجاملش علشان…

— Amr Adib (@Amradib)

وأضاف أديب: “بقيت بفضل الدولة التي فيها سياسيين عن الدولة التي فيها رأسماليين، بقيت بفضل الست الناضجة عن الست المنطلقة المجنونة، بقيت أفضل السندوتشات عن الصواني، بقيت بفضل السي فود عن اللحوم، بقيت بفضل المذيع الموهوب عن المذيع المتلقن، بقيت بفضل المانجا المقطعة عن المانجا الفص، وبقيت غاوي مقاطع أم كلثوم القديمة عن الغنا كله، وبقيت بفضل الخدمة الحلوة عن مطاعم الشارع العشوائية، وبقيت بفضل الساعات الرقيقة عن الساعات الضخمة، وبقيت أحب الإجازة عن الشغل، وبقيت أفضل الصرف عن التحويش، وبقيت بفضل الكلام في السياسة والبلد عن الكلام في الفن والنميمة، وبقيت بفضل النوم مرتاح عن النوم قلقان بعد خناق في الشغل، وبقيت أحب الأوبرا عن المزيكا الصرفة”.

و”بقيت أحب العربيات الغريبة عن العربيات الضخمة، وبقيت أحب الساحل عن أي مكان في العالم، وبقيت مش بقلق من أي حاجة عن ما كنت بحسب كل حاجة، وبقيت أحب الهدوم المريحة غير اللي عليها ماركات، وبقيت أفضل الكمية القليلة عن الكثير التافه، وبقيت لا أسمع كلام ما يعجبنيش ولا أكل أكل ما يكيفنيش ولا أقعد مع ناس مملة ما تسلينيش”.

“ومبقتش عايز أدخل في خناقات أو أجاوب على أسئلة على شاكلة هو احنا زمان كنا أحسن من دلوقتي! عايز بقى حواليا ناس عقل مش عضلات، عايز بني آدمين حنينين مش افترا، عايز الناس تسيبني في حالي زي ما سايبهم في حالهم، عايز أقدر لما أشوف انتخابات غريبة أقول إنها غريبة وعجيبة، عايز أشرب كل يوم الصبح عصير مانجا إسماعلاوي، وعايز أشجع الزمالك من غير ما أستنى إنه ياخد الدوري وعايز أعرف إن الأهلي علينا حق!”.