ريهام عبدالغفور تودع تيمور تيمور: كنت دائمًا بجانبي بعد وفاة والدي

عبرت النجمة ، عن حزنها العميق لرحيل مدير التصوير الذي وافته المنية أول أمس السبت، مما ترك أثرًا كبيرًا في الوسط الفني.

ريهام عبدالغفور ترثي مدير التصوير تيمور تيمور

شاركت ريهام عبر حسابها الشخصي على فيسبوك صورة للراحل، وأكدت أنه كان يتمتع بقدر كبير من الحنان في تعامله مع أسرته وعائلته، كما كان دائم التعاون مع زملائه في الوسط الفني ويتناول الإفطار مع العمال في مواقع التصوير، وأشارت أيضًا إلى دعمه لها بعد فقدان والدها.

كنت حنين وفرفوش

كتبت ريهام عبدالغفور : “يا حبيب قلبي يا تيمور .. ياللي أهل بيتك بيقولوا عليك كنت حنين وفرفوش وطيب وبتحب جبر الخواطر .. ياللي أهل مراتك بيقولوا عليك لما دخلت حياتهم جبتلهم الأمان والسلام .. ياللي أمك بتقول عليك كنت إنسان حنين وكويس جدًا وابن بار”.

ياللي ضحيت بحياتك عشان تنقذ ابنك

واصلت قائلة : “ياللي زمايلك وأصحابك بيقولوا عليك كنت تسهل عليهم حياتهم .. ياللي العمال كانت بتفطر معاك في طبق واحد في اللوكيشن .. ياللي مخلص لشغلك .. ياللي ضحيت بحياتك عشان تنقذ ابنك .. ياللي قعدت تسمعني وأنا بقولك إني قلبي انكسر على أبويا وتطبطب عليا”.

كل الناس بتحبك وبتدعيلك

أضافت ريهام : “وكنت فاكرة إن عمري ما هتوجع تاني .. بس فراقك وجعني أوي أوي أوي .. ووجع كل حد عرفك .. كل الناس بتحبك وبتدعيلك وعمرها ما هتنساك .. لأنك سبت أثر وحكاية حلوة عند أي حد عرفك”.

ربنا يسعدك في الجنة

اختتمت ريهام عبدالغفور منشورها بالدعاء للراحل، حيث كتبت : “ربنا يسعدك في الجنة ويجعلك في أعلى درجاتها .. ويجمعنا بك وبالغاليين في الجنة يا رب .. أسألكم الفاتحة والدعاء”.

ريهام عبدالغفور تودع تيمور تيمور

نشرت ريهام مؤخرًا عبر حسابها الرسمي على إنستجرام صورة تجمعها بمدير التصوير الراحل تيمور تيمور، وكتبت : “حزينة حزينة حزينة .. الله يرحمك ويغفر لك ويعفو عنك ويثبتك عند السؤال يا حبيبي .. يا أطيب وألطف وأجدع بني آدم وزميل وأخ وصديق”.

تابعت : “هتوحشني ضحكتك وهزارك اللي ماكنش بيخلص .. ربنا يصبر أهلك وكل حبايبك ويصبرنا على فراقك .. كسرت قلبنا يا حبيبي نسألكم الفاتحة والدعاء”.

عزاء تيمور تيمور

يُذكر أن عزاء مدير التصوير تيمور تيمور، أُقيم بالأمس الأحد في مسجد الحامدية الشاذلية، وحرص على حضوره عدد كبير من نجوم الفن، بينهم أحمد السقا وياسر جلال وعمرو يوسف وباسم سمرة وأحمد خالد صالح ومحمد لطفي وحسام الحسيني وحسني شتا وبيومي فؤاد وصبري فواز ودينا فؤاد والمخرج مروان حامد والمخرجة بتول عرقة ومنة فضالي ومحمود شاهين وأحمد صيام وريهام عبدالغفور ومحمد رضوان.