كريم سرور يودع بهاء الخطيب بكلمات مؤثرة تبكي الجميع في الوسط الفني

ودّع الفنان كريم سرور صديقه الفنان الراحل الذي انتقل إلى رحمة الله عن عمر يناهز 41 عامًا، وسط أجواء من الحزن العميق بين أصدقائه ومحبيه.

صدمة في الوسط الفني بعد وفاة الفنان الشاب بهاء الخطيب

كتب سرور كلمات مؤثرة ومبكية في منشور عبر حسابه الرسمي على “فيس بوك” حيث قال: “بهاء الخطيب مات !! إيه الاختبار ده !! ليه بالقسوة دي، مكنش بيمل ولا بيكل من أحلامه، كان دايمًا مبتسم حتى في عز إحباطه، كنت متأكد إنه هيكون نجم، لكن للأسف رحل قبل ما يحقق أحلامه”

وأضاف: “قلبي وجعني ومش قادر أبطل عياط، سلام يا صاحبي، ربنا يرحمك يا بهاء يا موهوب يا نضيف، والنبى ادعوله يا جماعة والله يستحق الدعوة والرحمة على قد نيته وقلبه وحبه للناس، لا عمره قال لي مين يستاهل ومين ميستاهلش، مكنش بيقول غير نشتغل ونعمل اللي علينا وبس، الله يرحمك يا بهاء يا موهوب يا نضيف، سلم على اللي عندك وأنتم السابقون ونحن اللاحقون”

أصاب رحيل بهاء الخطيب المفاجئ الوسط الفني بصدمة كبيرة، خاصة أنه كان معروفًا بابتسامته وروحه الإيجابية، وسعيه الدائم لتشجيع زملائه على العمل والإبداع دون انتظار الفرص.

موعد ومكان جنازة بهاء الخطيب

تم تحديد موعد لصلاة الجنازة اليوم الأحد في تمام الساعة العاشرة صباحًا في مسجد خاتم المرسلين بقرية ميت رهينة التابعة لمركز البدرشين بمحافظة الجيزة، حيث سيتم تشييع جثمان الراحل وسط حضور عدد كبير من الأهل والأصدقاء وزملاء العمل.

سبب وفاة بهاء الخطيب

نعى حسام داغر صديقه الراحل بكلمات مؤلمة عبر حسابه الرسمي على “فيس بوك”، مشيرًا إلى وفاته أثناء لعب كرة القدم، حيث كتب داغر: “ده لسه متكلمين إنك تيجي تقعد معايا كام في إسكندرية وقلتلك هتحب قعدة بلكونتي على البحر، ورجعت أقولك خلينا في الشتا هيبقى أحلي الجو دلوقتي صيف وحر”

وأضاف: “خلاص لا بقى في شتا ولا صيف ولا حاجة، الناس بتمشي فجأة، إزاي كده، لا حول ولا قوة إلا بالله، دموعي منشفتش من يوم تيمور وقلبي لسه موجوع، تقوم تمشي فجأة أنت”

سبب الوفاة

وتابع: “يعني إيه وقع وهو بيلعب كورة مات، أنا عقلي هيجراله حاجة، الثبات والعقل والصبر من عندك يا رب، بهاء الجميل المحترم الطيب، أعرفه من وهو في مسرح الجامعة وقبل المعهد، وبرضه كبر قدامي وكان ناجح في كل حاجة حتى مجاله وشغله الأساسي جنب التمثيل، لو أعرف إنك هتمشي فجأة كنت قابلتك، ومفضلناش نأجلها ليه يا ربي، الطيبين المحترمين بيمشوا فجأة، لا حول ولا قوة إلا بالله، الصبر من عندك يا رب”