اقترح الفنان حلولًا لأزمة غلق بيوت وقصور الثقافة على مستوى الجمهورية، التي انتشرت خلال الفترة الماضية، وذلك خلال فيديو عبر حسابه على فيسبوك.
شوف كمان: نجوم الفن يتألقون في العرض الخاص لفيلم “ريستارت” أبرزهم باسم سمرة
صبري فواز يعلق على أزمة غلق بيوت وقصور الثقافة
وقال صبري، “موضوع غلق بيوت وقصور الثقافة مهم وخطير، عشان بيوت الثقافة هي الجدار الأخير في حربك ضد أي ضلمة، والثقافة الجماهيرية مهمة لنجوم كتير في كل مجالات الثقافة والفنون، ومنهم نجوم كبار في التاريخ كله، ودي المنفذ اللي الناس تتنفس فيه في أي مكان في مصر، بلد الفن والثقافة”.
اقرأ كمان: تامر حسني يروج لفيلمه الجديد “ريستارت”.. ترقبوا!
وأوضح أن عدد بيوت وقصور الثقافة في مصر يبلغ 563 بيت وقصر ومكتبة على مستوى الجمهورية، الذي يعمل منهم بالفعل 220 ومتوقف منهم 343 لأسباب مختلفة.
وتابع: “الـ 343 دول في منهم 123 موقع وزارة عايزة تقفلهم، وسيادة الوزير قال إن دي أماكن ضيقة ومؤجرة، وبعضها مُهدم وبعضها مبيشتغلش بقاله شهور، ودي أسباب لقرار الإغلاق”، مشيرًا إلى أن هناك بيوت ثقافة فيها موظفين مش عايزين يشتغلوا، والوزارة اتخذت قرارًا بإغلاق 123 موقعًا لأسباب مالية وأسباب أن بعضها مؤجر، وإحنا محتاجين نضاعف الـ 563 ولكن المشكلة في الميزانية”
صبري فواز يقترح حلولًا لأزمة غلق بيوت الثقافة
أما عن حلوله لأزمة الغلق، قال صبري: “طب ما تيجي نفتح الباب للناس في عروض الثقافة الجماهيرية للتعاقد مع الإعلانات زي بقية الأنشطة في الدولة، ليه دول محرومين؟، وأي مُعلن هيبقى عنده رغبة يتعامل مع 563 موزعين على مستوى الجمهورية كلها، وفي بعض الأماكن فيه شباب عايزة تشتغل، افتحوا ليهم المجال”
وأكمل: “وفي ناس بتقوم بعمل بيت ثقافة متنقل، بني آدمين حابين الموضوع ومخلصين جدًا، وأعرف منهم ناس بيقوموا بمقام المؤسسة، افتحوا ليهم البيوت اللي مش شغالة، خليهم يشغلوها، وخلي الموظفين في خدمة المنتج، طالما دول قدروا ينجحوا ويوصلوا للعيال الصغيرة، وبيعملوا معاهم حاجات في منتهى الروعة، وكل ده محبة، افتحوا ليهم البيوت والقصور خليهم يشغلوها”
واختتم صبري فواز حديثه: “إحنا محتاجين قد البيوت والقصور اللي موجودة 10 مرات على الأقل علشان تكفي كل الناس، إحنا 110 مليون، سيبوا الناس تشتغل بالطريقة دي، ومش هيبقى في حمل على الدولة في الفلوس، لأن الناس دي متبرعة، افتحوا بس ليهم البيوت وقصور الثقافة، والموظفين يسهلوا ليهم المهمة بتاعتهم وهيشتغلوا من غير ما يكلفوا الدولة حاجة”