تحدث الفنان محمد نور عن عدم توثيق جنازة والده، وذلك خلال لقائه في بودكاست “كلمة السر” مع رانيا الحكيم، حيث أوضح أن وفاة والده جاءت في فترة تفشي فيروس كورونا.
مقال مقترح: أبرز أزمات النجمات التونسيات في مصر قبل هند صبري
محمد نور يتحدث عن عدم توثيق جنازة والده
قال نور، “أنا معرفش أنا مصورتهاش لأنه كان وقت كورونا، وأبويا الله يرحمه كان أقرب حد ليا، وكان آخر 6 أو 7 شهور تعبان جدًا وقت الكورونا، ومكنش فيه شغل ولا فلوس وكنا قاعدين في البيت، ووقت ما توفى كان الموضوع صعب جدًا بالنسبة لي، وأنا ما وثقتش حاجة الواحد كان فيه ولا إيه”.
وأكد محمد نور أنه عاش في حالة من الصدمة بعد وفاة والده، ولم يكن مستوعبًا لخبر رحيله، حيث قال: “قعدت حوالي 15 أو 20 يوم مش مصدق ومش مستوعب، لأن أبويا كان طيب وأطيب واحد، وفي حياته عمره ما زعق لي، وأنا عيالي على وعمر بنفخهم وبضربهم وبجري وراهم”.
حديث محمد نور عن فرقة واما
كما تطرق نور للحديث عن نجاح فرقة واما، قائلًا: “واما ناجحة جدًا لحد ما جاء الوقت اللي أنا بقيت أغني لوحدي وفهمي بيمثل، وإحنا رجعنا وكنا لسه في السعودية، وعندنا جولة في أمريكا وكندا”.
وتابع: “نادر حمدي فضل إنه يخليه في التوزيع، وهو أخونا وصاحبنا وعشرة عمرنا، ومحصلش أي خلاف بينا، وهو مركز في التوزيع وناجح جدًا فيه، وإخوات وأصدقاء وحبايب”.
بداية حب محمد نور للموسيقى
واختتم محمد نور حديثه بالكشف عن سر حبه للموسيقى، حيث قال: “اللي كون لي شخصيتي إن بابا وماما سابوني أتعلم، واتعلمت أتعتمد على نفسي، وماما كانت بتعزف قانون وبابا كونترباس، ومتعلمتش حاجة غير المزيكا، وبابا كان موجه أول تربية موسيقية وكان بيعزف كونترباس زمان، وأخويا بيعزف كمانجة وعايش برا”.
أسرار في حياة محمد نور
كما تحدث نور خلال نفس اللقاء عن أسرار في شخصيته لم يعرفها أحد، فقال: “اللي بيعرفني من قريب بيشوف حاجات مختلفة خالص غير شكلي، واللي بيشوفني بيقولي أنت قد إيه طيب وبتحب الناس، وكل اللي ميعرفنيش يفتكر حاجة تانية”.
اقرأ كمان: عاصي الحلاني يطلق أغنية “اشتكي لله” على يوتيوب ومنصات الموسيقى
أيضًا كشف محمد نور عن وقت إحساسه بالسلام النفسي، قائلًا: “الشغلانة بتاعتنا غريبة جدًا، كل واحد قبل ما بينام يقعد يقول مين حفلة فين ومين كسب كام ومين نزل صورته أكبر من مين ومين لسه راح السعودية وأنا لسه مروحتش، أنا الوحيد اللي في الشغلانة دي مليش دعوة بأي حد، وأي حد بيعمل حاجة حلوة أنا أول واحد ببعت له مبروك، وكل الناس اللي في جيلنا كلهم صحابي ولما تيجي سيرتنا يقولوا نور ده شيك أوي ملوش دعوة بحد”.