أطلقت المطربة أحدث أعمالها الغنائية بعنوان كفاياك تعبت، وجاءت هذه الأغنية بعد أن مرت إيناس عز الدين بأزمة صحية، حيث تعرضت مؤخرًا لإصابة مؤلمة في العين، وبعد إصدار الأغنية تواصل موقع خبر صحمع المطربة إيناس عز الدين للاطمئنان على حالتها الصحية.
اقرأ كمان: ملكة جمال الكون لـ تامر حسني والشامي تحقق 5 مليون مشاهدة خلال يومين
الحالة الصحية للمطربة إيناس عز الدين
وكشفت إيناس عز الدين في تصريحات خاصة لموقع خبر صحعن تطورات حالتها الصحية، حيث قالت: “الحمدلله .. بقيت أحسن بكتير .. فرحت بتفاعل الجمهور ودعواتهم ليا”.
كواليس أغنية كفاياك تعبت
أما عن كواليس أغنية كفاياك تعبت، فقد صرحت إيناس عز الدين قائلة: “حاولت في الأغنية أن أبرز حالة العذاب والتعب التي قد يتعرض لها البعض نتيجة العلاقات السامة، الأغنية درامية أكثر، وفي الفيديو كليب كان هناك حالة انكسار تعكس الجو العام للأغنية، كفاياك تعبت هي واحدة من أكثر الأغاني قربًا لي”.
وتعتبر أغنية “كفاياك تعبت” من كلمات محب غبور، وألحان عمر عادل، وتوزيع محمد ياسر، وإنتاج لايف ستايلز ستوديوز.
كلمات أغنية كفاياك تعبت
جاءت كلمات أغنية كفاياك تعبت كالتالي: “كفاياك تعبت معاك .. شبعت حجج ومبررات .. ده لحد أمتى عايزني أقدم لك تنازلات .. مابقاش فيه حاجة بتتعمل وياك مابعملهاش .. كل اللي هامك ترضي نفسك .. مهما ليك اتقال الحب عمره ما كان كده بالشكل ده استغلال .. ومدام نهايته هنفترق أنا تاني ماستناش .. بالنسبالي مابقاش فيه حاجة بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب أنا تاني اتعشم انك تتغير وف وهم .. اعيش اتعذب ليه وانا بستني ف حاجة مابتجيش .. ده مفيش ولا حاجة هتجبرني أكمل جنبك .. اكتر من اللي معاك عملته اعمل معاك تاني ايه ولا انت حد مسلطك على قلبي .. ف بتأذيه ضاع عمري جنبك واتسرق .. ابعد وسيبني اعيش .. من كتر جرحك واللي شوفته لقيتني فجأة قويت .. بقي سهل ابعد واخسرك من قلبي .. أنا استغنيت حبك ده كارت واهو اتحرق انت ماحبتنيش .. بالنسبالي مابقاش فيه حاجة بتربطنا وعليها بخاف .. ده طبيعي الواحد يتغير من كتر ما شاف .. وانا اموت اسهل من اني ارجع تاني واحبك .. صعب أنا تاني اتعشم انك تتغير وف وهم .. اعيش اتعذب ليه وانا بستني ف حاجة مابتجيش .. ده مفيش ولا حاجة هتجبرني أكمل جنبك”.
ممكن يعجبك: السيناريست إياد صالح يتلقى العزاء في والده اليوم من مسجد الحامدية الشاذلية