أعربت الفنانة عن استيائها من إصدار أحكام على الفنانين عبر مواقع التواصل الاجتماعي، مشيرة إلى أن السوشيال ميديا تسببت في الإساءة للنجوم ومحاولة تشويه صورتهم والإساءة لهم.
مقال له علاقة: نجل تامر حسني يواجه أزمة صحية وبسمة بوسيل تطلب الدعاء له
وكتبت رانيا محمود ياسين عبر حسابها الخاص بموقع فيسبوك: “نفسي تسكتوا شوية ودع الخلق للخالق، نفسي تفهموا أن ٩٩% من اللي بيتصدر على السوشيال ميديا حلو أوي وحش غلط أو مستفز أو عايزك تشتم الشخصيات العامة علشان تكره عشيتك وتشوفهم دايمًا ناس ما يعرفوش ربنا أو نرجسين أو متربوش أو مغرورين، وده مقصود وعن عمد علشان الفنانين مثلًا بعد ما كانوا قوى ناعمة ومؤثرين يبقوا الناس المفضوحين محدش منهم يبقى قدوة ولا رمز ولا قيمة مؤثرة زي زمان”
وأضافت رانيا محمود ياسين: “محدش سأل نفسه ليه زمان الفنان كان قدوة ومؤثر لأن مكنش في أداة مدمرة اسمها السوشيال ميديا وكان في حاجة كيوت أوي بالنسبة دلوقتي اسمها الصحافة الصفرا بس عمرها ما كانت مؤثرة، بلونة وبتفرقع وتخلص لكن الهري دلوقتي لازم يدخل في أسبوع كحد أقصى”
وتابعت رانيا محمود ياسين: “نفسي تبطلوا تصدروا أحكام من السوشيال ميديا لأن والله أداة كاذبة بكل صفحاتها ومنشتتها المستفزة وفيديوهاتها اللي بتتقال بأصوات ناس مجهولة عايزة تعمل ريتش وفلوس على حساب سمعة الفنانين ومعظم النقل كاذب فيما عدا لايف وبعض الصحفيين المتخصصين اللي بيحاولوا يقولوا الحقيقة في وسط كم الزيف اللي بيتصدر”
ارحموا السقا ومها الصغير
وأردفت: “على سبيل مثال السقا ومها ناس مش رحماهم، سيبهم في حالهم ارحموا أولادهم كلنا عندنا بيوت ومشاكل وأولاد بنخاف على شكلنا وشكلهم بطلوا تصدروا أحكام، ادعوا ربنا يهدي الأمور يصلح الأحوال بدل الهجوم طول الوقت عليهم وعلى غيرهم وذكري لسقا ومها لأن ده موضوع الساعة وربنا يهدي يارب ويرحمنا من هذه الأداة التي تدمر القيم والرموز”
واختتمت رانيا محمود ياسين حديثها قائلة: “محدش يقولي واحنا مالنا أنتم اللي بتصدروا حياتكم هرد وأقولك لأ السوشيال ميديا بتحاصر حياتنا وبنتصور طول الوقت حتى من غير ما نعرف وبتزيف معظم الحقائق وبتديها أكبر من حقيقتها ده غير اللجان المدفوعة وكفاية كده”
شوف كمان: دوللي شاهين تعلن عن إطلاق أغنية «ياللا يا غدار» بعد مرور 10 سنوات