استنكر الفنان مفيد عاشور تحريم البعض للفن، وذلك بعد الجدل الذي أثير عقب وفاة المطرب الشعبي.
ممكن يعجبك: النشرة الفنية.. تفاصيل عن وقف مها الصغير وطلاق ابنة تامر أمين
وخلال لقائه في نيوز رووم، قال مفيد عاشور: “هو حر، كان بيعملها ليه أساسًا، يعني إيه لما أموت يشيلوا أعمالي ما يشليها وهو حي، وكان بيشتغل ليه في المهنة دي أصلًا؟، لما هو شايف أنها حرام بيتشغل فيها ليه، مشالهاش ليه وهو حي، ليه مستني لما يموت، كان بيكسب منين وبيأكل ولاده مين؟ ولما حد يوقفه ويسلم عليه بيتبسط ولا بيضايق؟ إيه الازدواحية دي؟”
مواضيع مشابهة: مصطفى شعبان ينفي وجود مدير أعمال له منذ أبريل
وأضاف مفيد عاشور: “مين ضامن نفسه يدخل جنة أو نار، لما حد يشمت في موت فنان، هل هو ضامن يدخل الجنة؟ وبناء على إيه، يعرف بينه وبين ربنا إيه؟ الشخص ده لا علاقة له بإسلام ولا دين ولا يفهم حاجة، ده ربنا سبحانه بيقول لسيدنا محمد صلى الله عليه وسلم، ولو كنت فظًا غليظ القلب لانفضوا من حولك، أنت مين علشان تقول فلان هيدخل الجنة والنار، أنت مالك دع الخلق للخالق، ربنا يرحم ويسامح الجميع، أنت هتضايق لما أدخل الجنة؟ أنت ليه مصر أن الجنة بشكل معين لناس معينة، إحنا بنقول اللهم أنا نسألك حسن الخواتيم وختام الأعمال، أنت ممكن تقبض على معصية ياللي بتكتب الفنان يروح جهنم، تحت أي مبرر؟”
مفيد عاشور في مسلسل حرب الجبالي
ويشارك الفنان مفيد عاشور في مسلسل حرب الجبالي، حيث يجسد دور عم شعبان والد ثريا التي تقدم دورها الفنانة هبة مجدي، ويتوفى خلال أحداث المسلسل، والعمل من بطولة أحمد رزق، هبة مجدي، سوسن بدر، صلاح عبد الله، رياض الخولي، انتصار، نسرين أمين، أحمد خالد صالح، ريم أحمد، مفيد عاشور، لقاء سويدان، وعدد آخر من الفنانين.