وجهت الفنانة انتقادات لاذعة لسلوكيات بعض الشباب المتواجدين في الساحل الشمالي، معبرة عن استيائها من استخدامهم المفرط للغة الإنجليزية عند التعامل مع العاملين البسطاء في الكافيهات والمطاعم والمحلات، معتبرة أن هذا التصرف لا يعكس روح التواضع أو الانتماء للمجتمع، بل هو تصرف غير إنساني.
من نفس التصنيف: رامز جلال يجهز لتصوير المشاهد الأخيرة من “بيج رامى”
جاءت تصريحاتها من خلال مقطع فيديو نشرته عبر خاصية “ستوري” على حسابها الشخصي بموقع إنستجرام، حيث تناولت فيه عدة مواقف تعرضت لها أثناء وجودها في الساحل.
منشور جوري بكر.
“بتتكلموا إنجليزي وتعوجوا لسانكم على العمال ليه؟”
بدأت جوري بكر حديثها بالإشارة إلى موقف شخصي، قائلة: “وأنا بكلم ابني، واحدة قالتلي: (أنتِ مبتكلميش ابنك إنجليزي ليه؟)، فكان ردي: (إنتي مالك؟ ليه بتتدخلي في تربية ابني؟)”.
وانتقلت بعدها إلى انتقاد عام للسلوك السائد بين كثير من رواد الساحل، مضيفة: “إحنا ليه أول ما نيجي الساحل بنتكلم إنجليزي؟ ليه مش بنسهل على بعض؟ اتكلموا عربي يا جماعة، مش لازم نعيش دور الأجانب في بلدنا”.
كما أضافت أنها كانت تقع في هذا الخطأ سابقًا، لكنها تراجعت عنه بعد نصيحة من إحدى صديقاتها التي قالت لها: “لو عايزة توصلي وتشتغلي في البلد دي، اتكلمي عربي علشان الناس تفهمك وتحبك، وتقدري توصلي ليهم بسهولة”، مشيرة إلى أنها بدأت بالفعل الالتزام بذلك مؤخرًا.
“العمال غصب عنهم مش فاهمين.. ودي مش لغتنا الأصلية”
واصلت الفنانة حديثها منتقدة التكلف في الحديث بالإنجليزية مع العمالة: “سهلوا الأمور على بعض، وسهلوا كمان على الشباب اللي شغالين هنا، بتتكلموا إنجليزي وبتعوجوا لسانكم عليهم ليه؟”.
ثم تابعت: “أنا لما بدخل أطلب ساندويتش أو قهوة بلاقي الشباب بيتكلموا إنجليزي، والعمال مش فاهمين، مش لأنهم أغبياء، بس لأن دي مش لغتهم”.
كما علّقت على التغيير الذي طرأ على شخصيتها كأم، قائلة: “زمان كنت بحب أتكلم بصوت واطي، لكن دلوقتي عندي طفل، وصوتي لازم يسمعه من على بعد 100 متر”.
“بحترم اللي بيشتغل ويتعب.. وهما مش أقل مننا”
أشادت جوري بالعمالة الشبابية التي تعمل في الساحل الشمالي خلال موسم الصيف، وعبّرت عن احترامها العميق لهم، قائلة: “الناس اللي بتشتغل هنا محترمين جدًا، وناس بتتعب علشان تجمع فلوس للجامعة أو للجواز، وده شيء لازم نحييهم عليه”.
وأضافت: “أنا ببسط لما بحس إن الناس اللي بتحبني هما الجارسونات والشيفات، لأنهم ناس بتشتغل بعرقها وبتحس بقيمة الجنيه”.
“مش لازم نبقى مختلفين علشان إحنا في الساحل”
واختتمت جوري رسالتها بدعوة صريحة لاحترام القواعد المجتمعية والآداب العامة، قائلة: “يا جماعة، خلوكم رحماء، وسهّلوا الأمور على بعض، مش لأننا في الساحل نبقى مختلفين”.
مقال مقترح: أشرف زكي يؤكد عدم وجود مكان للبلوجرز والتيك توكرز في عالم التمثيل
وتابعت بنبرة انتقاد واضحة لبعض المشاهد غير اللائقة: “مينفعش أدخل عيادة ألاقي واحدة لابسة مايوه! حضرتك ده تلبسيه على البحر مش في مكان طبي. راعوا وجود الكبار والعائلات، لأن اللي بنعمله بيرجع علينا، وبيخلي الناس تهزقنا”.
وأنهت جوري بكر الفيديو برسالة موجهة للمتابعين: “ياريت نلبس الحاجة في مكانها ونتكلم الناس بلغتنا.. العربية مش عيب، دي هويتنا”.