هاجمت البلوجر الأردنية سوزي موجة الانتقادات التي طالتها بعد تداول مقطع فيديو لها فُهم منه إساءة للنبي محمد صلى الله عليه وسلم، مؤكدة أنها كانت تهدف إلى التشبه بصفاته في الجدية والتجارة وأن حديثها قد حُرِّف عمدًا لأغراض الترند وزيادة التفاعل.

ممكن يعجبك: عمرو يوسف وأسماء جلال يتحديان الأزمات في البرومو التشويقي لفيلم “السلم والثعبان 2”
سوزي الأردنية
وفي “ستوري” عبر حسابها على موقع تبادل الصور والفيديوهات “إنستجرام”، قالت سوزي الأردنية: “بجد الناس بقت بتحرف الكلام بمزاجها لأجل الريتش وتوديني في داهية، أهم حاجة الريتش والشو وجو الحماس وتكبير المواضيع، بقول الرسول عليه أفضل الصلاة والسلام على دماغي بقصد بالكلمة إنه طبعًا تكبير وتعظيم وحب في إن الرسول تاجر ومتعلم، وأنا بشتغل في التجارة ومتعلم، بتكلم إن رسولنا عليه أفضل الصلاة والسلام حاجة عمرها ما تتقارن من جمالها وعظمتها، الكلام اتحرف بشكل تاني وعشان أروح في داهية، حسب الله ونعم الوكيل، وهي كدا كدا خربت من كل ناحية، وسلمت أمري لربنا بجد لأني من جوايا مش وحشة ونيتي عمرها ما كانت غلط أو كانت زي ما الناس بتحرفها كدا، لو حصل لي حاجة المرادي مش مسمحة، لأني فعلاً أتيت جامد وعندها تحرف الكلام وتكبر المواضيع لأجل الريتش والترند، لأني مريضة قلب واللي بيتقال عليا وبيحصل لي دا حرفيًا كتير أوي وكبير أوي عليا، أنا معملتش حاجة لكل دا”
سوزي الأردنية تنهار بعد الهجوم عليها: “سلمت أمري لربنا ومش مسامحة”
وفي توضيح آخر، نشرت سوزي: “جماعة أنا حابة أوضح حاجة مهمة جدًا، في اللقاء اللي اتذاع كنت بتكلم بعفويتي زي دايماً وقلت حاجة عن الرسول عليه الصلاة والسلام، الناس للأسف فهموها بطريقة تانية خالص، أنا كنت أقصد أقول إن الرسول عليه الصلاة والسلام كان بيشتغل في التجارة وكان معروف بأمانته، وكان معاه زي شهادة من السيدة خديجة بتوثق شغله، فكنت بتكلم عن نفسي إني بشتغل ومعايا شهادة، يعني بحاول أتشبه بالأخلاق الحلوة والجدية في الشغل، مش أكتر ولا أقل
وأضافت: “مستحيل أكون أقصد أي إساءة أو استهزاء، واللي يعرفني يعرف أنا قد إيه بحترم ديني وبدعي إني أكون دايمًا عند حسن ظن ربنا والناس”
مقال له علاقة: إيرادات أمس: المشروع X يتصدر وسيكو في المركز الأخير